Accessibility links

Кайнар хәбәр

Çeçnäneñ elekke prezidentlarınan Yandarbievne üterüçelär xökem itelde.


Qatar mäxkämäse Russiäneñ ike agentın Çeçnäneñ 1996-nce 97-nce yıllarda prezidentı bulğan Zelimxan Yandarbievne bu yılnıñ fevral ayında üterüdä ğäyeple taptı. Yandarbiev ğailäse belän soñğı öç yılda Qatarda yäşi ide. Russiäneñ ike agentı da 25-är yılğa törmägä xökem iteldelär. Şuşı xökem protsesı qayber soraulat tudıra.

Russiäneñ ike küzläv agentınıñ Yandarbievne üterüdä ğäyeple tabılıp xökem itelüläre Mäskävne iñ kimendä digändä dä, qıyın xäldä qaldırırğa tieş. Xakim İbrahim al-Nasf Anatoliy Belaşkov belän Vasili Bogaçevne 25-är yılğa törmä cazasına xökem itte . Bu ülem cazasınnan qala iñ auır caza bulıp tora. Al Nasf mäxkämä prokuraturanıñ ülem cazası taläben qänäğätländermäde. İke agent ta Russiä xakimiätläreneñ kürsätmäsenä esasän xäräkät ittelär dip tä belderde. Yandarbievneñ tol xatını Malika, radiobızğa birgän intervyusında xökem qararı belän qänäğät buluın belderde .

NC063048

Russiä xakimiätläre Yandarbievneñ üterelüenä qızğanıç beldermädelär, şulay uq ike şäxesneñ agent buluların iqrar itsä dä, alar ğäyepsez dip belderep kildelär. Qatar xakimiätläreneñ Belaşkov belän Bogaçevne şundıy tizlek belän totuları küpkenä soraular tudırğan ide. Berençe sorau bu- Agentlar Kreml kürsätmäsenä esasän xäräkät ittelärme, xäräkät itkän bulsalar ni öçen şundıy naçar eşlädelär häm totıldılar? Mäskäv alarnı sälätle advokatlar belän yaqlattı häm monıñ öçen şaqtıy aqça sarıf itte. Läkin, alar üz missiälären bik naçar başqardılar dip äytep bula. Çeçnä mäsäläse turında yazuçı Moskov Times gazetasınıñ xezmätkäre Sanobar Şermatova da mäsäläne añlap citä almıy.

Audio

İkençe sorau bu- Ni öçen Qatardağı Russiä İlçelegennän torıp xäräkät itkän ike agentqa diplomatik pasport birelmägän? Yandarbievne üterü eşendä qatnaşı buluda şiklänelgän öçence şäxes diplomatik passportqa iä buluı säbäple , sorauğa tartılmıyça Mäskävgä qayta aldı. Ni öçen Kreml qalğan ike agentın yaqlausız qaldırdı?

Tağı da ber sorau bu- AQŞnıñ mondağı role. Raslanmağan qayber xäbärlärgä qarağanda, AQŞ Qatarğa üterüçelärne tabarğa yardäm itkän. Ä inde xäzerge vaqıtta Russiä dä, AQŞ terrorğa qarşı suğışta berdäm buluların belderep kilälär. Bu şulay häm AQŞnıñ yardäme turında xäbär döres bulğan xäldä, Kreml monı duslarça bulmağan akt dip bäyälärgä tieş ide. Läkn, ike yaq ta bu turıda endäşmi. Şermatovanıñ süzlärençä,

Audio

Ä inde Russiä mediasında xökem itelgän ike agent yaqın kiläçäktä irekkä çığarılaçaq yäisä cazaların tutıruları öçen Mäskävgä cibäreläçäk digän xäbärlärgä kilgändä, Şermatova bu fikerne urtaqlaşa.

Audio

Russiäneñ tışqı eşlär ministere Sergey Lavrov İndoneziä başqalası Cakartada çaqta yasaşan çığışında Mäskäv üz vatandaşların vatanğa qaytaru öçen barlıq ğayrätne sarıf itäçäk dip belderde.

Färit İdelle, Praga.
XS
SM
MD
LG