Accessibility links

пәнҗешәмбе, 8 декабрь 2016, Казан вакыты 17:24

Ğıraqta S.Xösäin mäxkämä aldına çığarıldı


Ğıraqnıñ eleke citäkçese S.Xösäin häm anıñ yuğarı däräcädäge 11 ölkän xezmätkäre bügen Bagdadta mäxsus mäxkämä aldına çığarılıp alarğa räsmi räweştä başqa ğäyepläwlär belän bergä keşeçelekkä qarşı cinayät ğäyebe quyıldı. Küp kenä küzätüçelär qaraşınça Saddam östennän ütkäreläçäk protsess Ğıraqnıñ eleke rejim kölläre östendä oyıştıraçaq sivil cämğiätkä kürsätkeç bulaçaq .

S.Xösäin häm anıñ yuğarı däräcädäge 11 xezmätkäre bügen berençe märtäbä mäxkämä aldına çığarlıdı. Kiñ küläm mäğlümät çaraları xabärlärenä qarağanda S.Xösäin üzenä quyılğan 7 ğäyepläw turındağı legal dokumentlarğa qul quyunı kire qaqqan. Bolar kördlärne gaz belän agulaudan başlap, Kuweitkä basıp kerü, dini ,säyäsi citäkçelärne şul sanda körd citäkçese Barzaninı üterügä qädärki başlanğıç ğäyepläwlär genä . Quşma Ştatları Saddam häm anıñ yaqın xezmätäşlären kiçä yaña suveren Ğıraq xökümätenä tapşıru belän, Saddamnıñ suğış äsire digän statusı üzgärde, bu inde ğäyepläw quyılmıy törmädä totıla almıy digän süz. Şunlıqtan ul bügen mäxkämä aldına çığarıldı. Xökem protsesı 2005nçe yıldan elek başlana almas dip kötelä. Xabärlärgä qarağanda Xäsäin mäxkämäneñ yurisdiksiäse turında sorap, anı teatr dip atağan häm çın cinayätçe AQŞ prezidentı G.Bush dip beldergän. Saddam elekegä qarağanda yabığraq , saqal häm mıyıqlı ide dip tasvirlıy anı CNN xabärçese Christiane Apanpour Ul mäxkämä zalına kertelgän berniçä jurnalistnıñ berse ide. Amanpour mäxkämä zalında işetkännären CNNgä bolay dip añlattı (audio) Saddam Kuweitkä basıp kerüen kire qaqtı. Niçek alay äytä alasız . Min moñı ğraq xalqı öçen eşlädem Niçek sez ul etlärne( yäğni kuweitlelärne )yaqlıysız.Xakim anı şeltäläp andıy süzlär qullanmağız , sez mäxkämä zalındasız , monda andıy süzlär qullanu tıyıla dip xäterlätte. Bügenge protsess 30minut däwam itte. Bügen şulayuq Saddamnıñ tışqı eşlär minsitırı Tariq Aziz , Xösäinneñ kuzäne Ximik Ali iseme belän yöretelgän Ali Xasan al Maşid , Saddamnıñ ike yaqın tuğanı da xakim aldına çığarıldı.. Küp kenä ğıraqlılar Saddamnıñ mäxkämä aldına çığarıluın xuplasa da,qayberäwlär anıñ tizlektä üterelüen kürergä teli Hamid Lafta isemle ğıraqlı Reuterğa(audio) Min Sadamnıñ Ğıraq mäxkämäsendä xökemgä tartıluın kürergä telim, ul ğıraq xalqın yuq itte kübese ber nindi mäxkämäsez yaqınça 5million keşene ütertte. Ni öçen aña ähämiät biräsez , üteregez qotılığız annan . sez bu mäxkämägä ähämiät biräsez , ul dönyanı cimerde dip söyläde Läkin başqaları Saddamğa AQŞnıñ qorbanı dip qarıy. Ali isemle bagdadlı bezneñ xabärçebezgä (audio) äyye bez añı ğafu itä alabız.Ul ğıraqlılarğa ber närsä dä eşlämäde. aña qarşı ber närsädä yuq dip äytkän. Yaña xökümättä tışqı eşlär ministırınıñ urınbasarı Hamid al Bayati bu Ğıraq öçen bik möhim adım dip äytep(audio) bik yaxış xabär.Bu tarixta häm dönyada in bäğersez cinayätlärne - keşeçelekkä qarşı cinayät, suğış cinayätläre häm genosid cinayätlären eşlägän rejimnı xökemgä tartu dip äytte Ul Ğıraq xalqı eleke citäkçeläre öçen ülem cazasınnan da kimräk caza belän qänäğät bulmas dide WP gazetasına qarağanda xökemgä tartılaçaq 12 keşe AQŞ qaramağındağı törmädä totılaçaq , çönki waqıtlı xökümät älegä nıq saqlanğan törmägä iä tügel . Qayberäwlär Saddam östenän ütäçäk prosessnı 21nçe ğasırnıñ protsesı dip atasa da, ytergä kiräk Saddam östennän ütäçäk prosess sonğı çiktä anıñ rejimı xäräbäläre östendä nindi sivil cämğiät oyışaçağın kürsätäçäk.

färidä xämit,praga
XS
SM
MD
LG