Accessibility links

Кайнар хәбәр

Yukos neft kompaniäsenä burıçların tüläw öçen 5 kön waqıt birelde


Rusiäneñ Yukos neft kompaniäsenä 3 milliard 400 million dollar burıçların tüläw öçen 5 kön waqıt birelde. Şirkätneñ wäkile Aleksandr Şadrin süzlärençä bügen mäxkämä wäkilläre bu xaqta räsmi qäğäzlär kitergän. Bu aqça tülämägän oçraqta Yukosnıñ milege alınırğa mömkin. Şirkät wäkilläre äytüençä xäzerge waqıtta alarda aqçalata 1 milliard qına bar, burıç şunduq häm tulısınça taläp itelsä kompaniä bankrot bulaçaq. Uzğan ayda Rusiä prezidentı Vladimir Putin, xökümät Yukosnı bankrot itmäskä tırışaçaq digän ide. Şuşı atnada Mäskäwneñ Arbitraj mäxkämäse Yukos burıçların tülärgä tieş digän qarar çığardı. Tänqitçelär fikerençä, Yukosqa yasalğan basım – anıñ elekke citäkçese Mixail Xodorkovski opozitsiädäge partiälärne finanslağan öçen Kremlneñ üç aluı bulıp tora. Xodorkovski xärämläşü, salımnn qaçuda ğäyeplänep uzğan yılnıñ üktäberendä qulğa alındı.
XS
SM
MD
LG