Accessibility links

дүшәмбе, 5 декабрь 2016, Казан вакыты 11:33

Udmurtiäneñ Mojğa şähäre milli - mädäni möxtariäte eşçänlegen däwam itäçäk


Mojğa şähärendä respublikada berençelärdän bulıp ike yıl elek milli—mädäni moxtäriätne räsmi terkädelär. Ämmä ike yıl elek möxtäriätneñ Ustavına yuridik yaqtan bernindi dä kimçeleklär belderelmäde. Ä menä milli oyışmalar qanunına üzgärtmälär kertelü säbäple, mojgalılarnıñ milli—mädäni möxtäriäteneñ Ustavlarına da däğwä belderdelär häm anıñ räise İlgiz Xänif ulı Kadıyrovnı mäxkämädä dä çaqırdılar. Bu eş yartı yıldan artıq bara inde. Nihayät, bu atnada qarşılıqlar tudırğan mäs'älälär xäl itelde. İlgiz Kadıyrov möxtäriätneñ Ustavınıñ nindi mätdälärе yuristlarda qänäğätsezlek tudıruın, alarnıñ niçek xäl itelüe turında telefon aşa bolay dide. Finans mäs’äläsenä qağılğan yullarğa yuristlar taläp itkänçä üzgärtmälär kertelde. İkençe tağın ber mäs'älädä dä İlgiz Kadıyrov, oyışmanı saqlap qalu öçen artqa çigenergä turı kilsä dä, ul anı yuğaltu dip isäplämi. Därestän dä Udmurtiä cirendä ğömer itüçe tatarlar «Tatarstan» radiosın, «Azatlıq» tapşıruların tıñlıy, «Yaña ğasır» televideniese programmaların qabul itä, şuña ul inde tatar xalqın üzeneñ tarixı belän tanıştıru problema tügel, elek kiñ qatlam xalıqqa citkerelmägän mäğlumatlär dä bügen yaqtırtıla dip, Ustavtan tağın bu yullarnı alıp taşlawnı çigenü yäisä yuğaltu dip tanımıy. Bügenge köndä Sarapulda, İjawda da milli—mädäni möxtäriätlär buldıru turında süz alıp barıla, oyışmalarnıñ kiräkle käğäzläre äzerlänä.

Xämidä Ğayfullina, Udmurtiä.

XS
SM
MD
LG