Accessibility links

якшәмбе, 4 декабрь 2016, Казан вакыты 19:28

Tatneft'' neft’ çığaru külämen arttıra


2004 yılnıñ uzğan yartısında respublikanıñ Tatneft’ şirkäte dä üzeneñ eşçänlegen arttırğan. Uzğan yıl belän çağıştırğanda monda neft’ çığaru 2,2 protsentqa yäki 12 million tonnağa artqan. Xäyer, bu oyışma äle tiz genä eşsez qalmıy, neft’ bezdä şaqtıy ikän. Miller&Lintz bäysez auditor kompaniäse näticälärenä qarağanda, cir astında 990 million tonna qara altın bar. Östäwenä, Tatneft’ Çuvaşiä, Ulyan, Samar ölkälärendä dä qazılmalar ezläw eşlären alıp baruğa litsenziä alğannar.

Tatarstannıñ salım cinayätläre buyınça idäräse oyışqanlığına ber yıl tulu uñayınnan jurnalist öçen brifing ütkärde. Alar üzläreneñ eşçänlegeneñ näticäläre belän tanıştırdılar. Xäyer, näticälär çınnan da keşegä kürsäterlek. 2003 yıl yomğaqları buyınça respublika idäräse İdelbuyı okrugında berençelekne yawladı. Uzğan yılda salım cinayätläre buyınça idärä xezmätkärläre yärdämendä respublika qaznasına 200 million sum qaytarılğan. Ağımdağı yılnıñ yartısında isä bu san inde 120 million sumnı täşkil itkän. Salımnarnı tülämi qalu oçraqları buyınça berniçä cinayät eşe dä quzğatılğan. Mäsälän, Tatspirtprom şirkäteneñ baş buxgalterı, KamAZ-Stroyindustriya oyışmasınıñ citäkçeseneñ eşçänlege tikşerelä. Läkin salımnı tülämäwçelärne cäzağa tartırğa şaqtıy qıyın, qanunnar da bik kamil tügel, mäxkämälärdä dä mondıy cinayätçelärgä qırıs qaramıylar, dip sanıylar Tatarstannıñ salım cinayätläre buyınça idärä xezmätkärläre.

Gölnaz İlgizär

XS
SM
MD
LG