Accessibility links

Кайнар хәбәр

Yekaterinburg şähärendä urnaşqan Tatarstannıñ Uraldağı daimi wäkillege mäktäpkäçä yäştäge balalarnı qabul itte


Wäkillekneñ kürşesendä genä urnaşqan balalar baqçasına yörüçe sabıylar tärbiäçe apalarına bik matur, däwlät älämnäre cilferdägän bu serle bina turında küptännän birle törle sorawlar birep aptıratalar ikän. Bu turıda belgäç, daimi wäkil Rawil' Bikbov balalarnı qunaqqa çaqırdı. Üze açıla torğan tılsımlı qapqadan kilep kergäç ük, bäläkäy qunaqlarnı köläç yılmayıp qunaqçıl xucalar qarşı aldı. Biredä balalar Tatarstan digän güzäl il, anıñ prezidentı Mintimer Şäymiev, Respublikanıñ gerbı, flagı turında bik küp mäğlümat aldılar. Kürgäzmälärgä quyılğan qayber eksponatlarnı, mäsälän, KAMAZ maşinası modelen tanıdılar. KAMAZnıñ Tatarstan cirendä çığarıluın beldelär. Xalıq hönärçelege kürgäzmäsendä balalarnı milli kiemnär, bigräk tä uqalap çigelgän tübätäy qızıqsındırdı. Tübätäyne quldan-qulğa yörttelär, kiep tä qaradılar. Menä sez bügen Tatarstan cirendä, bu cir Tatarstannıñ ber kisäge, öyegezgä qaytqaç, bez bügen Tatarstanda qunaqta buldıq, diegez, - dide alarğa tärbiäçe apaları. İstälekkä balalarğa daimi wäkillek turında bukletlar häm bäläkäy genä suvenirlar büläk ittelär. Biş-altı yäşlek sabıylar Tatarstan cirenä bulğan tılsımlı säyäxättän bik qänäğät qaldılar.

XS
SM
MD
LG