Accessibility links

җомга, 9 декабрь 2016, Казан вакыты 08:50

Çiläbe şähärendä bulıp uzğan sabantuy waqıtında, öç mäğärif ministrınıñ oçraşuı bulıp uzdı


Tatarstan mäğärif ministrı Faris Xarisov häm Başqortstan mäğärif ministrı Zöhrä Räxmätullina Çiläbe ölkä sabantuyına dip Tatarstannan häm Başqortstannan cibärelgän delegatsiälärneñ citäkçese bulıp kilgännär ide. Çiläbe ölkäse mäğärif ministrı Vladimir Sadırin, zur qunaqlarnı Çiläbe cirendä qabul itkändä, mondıy turı kilüneñ bäxetle oçraq buluın äytep ütte.

Oçraşuda Tatarstannıñ Uraldağı daimi wäkile Rawil' Bikbov ta qatnaştı. Süz töbäklärdä milli mäğärifne üsterü turında bardı. Äytergä kiräk, soñğı waqıtta Çiläbe ölkäsendä ürnäk alırlıq xällär bulıp tora – Vladimir Vital'yeviç Çiläbe balalar baqçalarında bu uqu yılınnan tatar tele kertelä torğan 30 gruppa açılaçağın, anıñ öçen inde 30 tärbiäçegä maxsus belem birep äzerlängänlegen belderde. Şulay uq Çiläbedä tatar gimnaziäsen buldıru buyınça da bik küp eşlär alıp barıla.

Ministrlar töbäklärdä milli mäğärifne üsterü turında fiker alıştılar. Oçraşu bik cılı ütte. Başqortstan mäğärif ministrı Zöhrä xanım Räxmätullina Faris Xarisovnı ikençe könne Ufada milli mäğärif problemaları buyınça bulaçaq tügäräk östäl yanına oçraşuğa çaqırdı.

Tatarstannıñ Uraldağı daimi wäkile Rawil' Bikbov Çiläbedä bulıp uzğan bu oçraşudan zur tä'sirlär alıp qayttı. Bilgele bulğança, Sverdlov ölkäsendä tatar milli mäğärifen üsterü buyınça problemalar küp äle. Gubernator xakimiätennän dä, mäğärif ministrlıysınnan da bu eş öçen cawaplı keşelär inde bilgelägän. Alar daimi wäkillek belän tığız bäyläneştä eşlilär. Bu qatlawlı problemanı çişü buyınça Sverdlov ölkäsendä ezlekle eş alıp barıla başladı.

Fäwiä Safiullina. Yekaterinburg.

XS
SM
MD
LG