Accessibility links

пәнҗешәмбе, 8 декабрь 2016, Казан вакыты 07:08

Ämirxan Yenikineñ 95 yıllığına bağışlanğan çaralar başlana


Kürenekle tatar ädibe, Tatarstannıñ xalıq yazuçısı Ämirxan Yenikineñ tuuına 95 yıl tuldı. Şuşı uñaydan 3- 4 iyül könnärendä ädipneñ tuğan yağı Blağowar rayonında häm alarnıñ ğäiläse küpmeder yıllar yäşägän Däwläkän şähärendä xäter häm iskä alu çaraları ütäçäk. Şuşı çaralarda qatnaşu öçen, Başqortstanğa 2 iyül könne Tatarstannan da yegermegä yaqın keşelek wäkillek kilep töşte. Alar arasında tatar yazuçıları da, Ämirxan ağa Yenikineñ qızları Flürä belän Rezedä xanımnar häm başqa tuğannarı da bar.

Tantanalı çaralar şimbä könne Blağowar rayonınıñ Qarğalı awılında başlanıp kitä. Ämirxan Yenikineñ tuğan awılı bu. İñ täwdä oluğ ädipne iskä alu märäsime Qarğalı awılı urta mäktäbe qarşında ütäçäk. Biredä ädipneñ yaqtaşlarınıñ da, Tatarstannan kilgän qunaqlarnıñ da, Başqortstan yazuçılarınıñ da çığış yasawları qaralğan. Ämirxan ağanıñ qızları Flürä belän Rezedä xanımnar da ätiläre xaqında istälekläre belän urtaqlaşaçaq. Annan mäktäp uquçılarınıñ çığışları bula. Soñınnan qunaqlar awıl belän tanışaçaq häm urındağı ziratqa barıp Yenikilär näsel – näsäpläre qäberlärenä çäçkälär salaçaq.

4 iyül könne xäter çaraları Däwläkän şähärendä häm rayonında däwam itä. Anda qayçandır xalıq yazuçısı Ämirxan Yeniki ğäiläse yäşägän yort diwarına xäter taqtası urnaştıru häm başqa mädäni çaralar oyıştıru küzdä totıla.

Fänis Fätxi, Ufa

XS
SM
MD
LG