Bu turıda Russiä tışqı eşlär ministırı Sergei Lavrov Könyaq Korealı kollegası Ban ki –Moon belän bügen Seulda söyläşkännän soñ belderelde.Lavrov atom krizisı Tönyaq Koreağa nıq iminlek garantiäläre häm cimerelgän iqtisadın ayaqqa bastıru öçen yardäm birü yulı belän xäl qılınırğa tieş dide (audio)
Könyaq Korea tışqı eşlär minsitırı Ban, Lavrovtan atom programmasın tämam yuq itüenä cawap itep küräçäk fayda, tabışlarğa riza buluı öçen Pxenyangnı kündererergä soradım dip äytte
Ban süzlärençä(audio)
Bez Rusiädän, Tönyaq Koreanı iminlek garantiäläre alırğa teläsä üzeneñ atom qoralları täräqi itü plannnarınnnan vazkiçsen, alarnı cimerep taşlasın dip künderergä soradıq
Lavrovnıñ Seuldağı oçraşuınnan ber kön elek AQŞ däwlät sekretarı Colin Powell Tönyaq Korea tışqı eşlär ministırı Nam-Sun belän İndonenesiä başqalasında küreşep söyläşte. Bu ike ilneñ sonğı 2 yıldağı in yuğarı däräcädäge oçraşuı buldı.
Atom krizisı turındağı söyläşülär Pxenyagda däwam itäçäk. Sergei Lavrov irtägä Tönyaq Korea başqalasına bara .
Bu krizis 2002nçe yılnıñ üktäberendä AQŞ räsmiläreneñ Tönyaq Korea yäşren räweştä atom qoralları täräqi itüen iqrar itte dip belderüennän soñ başlandı. Pxenyang şulay eşläwe belän küpläp üterü qoralları turındağı xalıqara kileşülärne bozğan buldı. Şul waqıttan birle AQŞları 2 Korea , Yaponiä Qıtay häm Rusiä Pekingdä 3 raund söyläşülär ütkärde.Älegä tönyaqnıñ atom qoralları täräqiäten tuqtatu turında kileşügä ireşelä almadı. Ütkän atna azağında tämamlanğan sonğı söyläşülärdä Amerika Pxenyang atom programmasın tuñdırsa aña energiä birelüe mömkin dip belderde. Bu inde Waşingtonnıñ pozitsiäsen üzgärtü bulıp tora Çönki ul Tönyaq Korea atom programmasın tämam tuqtatıp, yuq itmäsä, aña ber nindi taşlama yasalmayaçaq dip belderep kilde .Pxenyang AQŞnıñ täqdimen kire qağtı. Şulay itep cıyılışqa qatnaşqan 6 il wäkilläre, sintäber ayında yañadan oçraşu turında ğına kileşä aldı.
färidä xämit,praga
färidä xämit,praga