Accessibility links

җомга, 2 декабрь 2016, Казан вакыты 22:54

Könbatış Yarda ber İzrael keşese atıp üterelde


İzrael xärbi köçläre mäğlümatlärenä qarağanda, bügen Könbatış Yarnıñ tönyağında ber yähüd üterelgän. Xärbi bulmağan şuşı keşe xatını belän bergä utırğan maşinağa ber fälestin suğışçısı ut açqan. İr keşe hälak bulğan, xatını yaralanğan. Aña qadär İsrael xörbiläre şul uq töbäktä ber fälestinlene atıp üterde. Fälestinle Nablustağı yähüd awılına ütep kerergä tırışqan. Şuşı ike waqiğa öçen cawaplılıqnı üz östenä al-Aqsa intixarçıları aldı. Bu törkem Yasser Arafatnıñ Fatah xäräkäteneñ ber qanatı bulıp tora. Al-Aqsa brigadası citäkçese Zakaria Zubeidi, qarşı torunı däwam itäçäkbez, dide: "Üz cirebezdä, Yabad awılında yäşägännärgä höcüm yasalğanı öçen cawaplılıqnı üz östebezgä alabız. Doşmannar, 3 keşe hälak bulğan di. Bu höcüm – Nablus okkupasiäse häm bezneñ batırıbız naef Abu Şarieq'nıñ üterelüenä cawap buldı. Häm bez qarşı torunı däwam itäçäkbez," dide al-Aqsa intixarçıları wäkile. Könbatış Jerusalimda distägä yaqın fälestinlene qanunsız räweştä İzrael yağına çığarğanda totılğan ber fälestin keşese dä atıp üterelgän. Fälestinnär bügen İzrael cirlärenä 5 kassam raketasın attı, hälak buluçılar häm yaralanuçılar yuq, dip xäbär itelä.

XS
SM
MD
LG