Hindstan bügen Agni raketa sınawların uzdırdı. Saqlanu räsmiläreneñ süzenä qarağanda "cir-cir" tibındağı älege raketa 700 çaqrımğa qadär oça häm ber tonnağa qadär yök ala. Sınawlar könçığıştağı Orissa ştatı yarında, Wheeler utrawında ütkärelgän. Dählidä saqlanu ministrlığınıñ matbuğat wäkile Amitab Çakravarti – sınawlar yaxşı uzdı, dip belderde. Paqstan kürşe Hindstannıñ qoral sınawları uzdıruına borçılmawın belderde, "här bäysez däwlätneñ üzeneñ saqlanu häm xärbi köçen sınarğa xoquqı bar" dide. Berniçä atna elek Hindstan belän Paqstan atom qoral qarşılığın kimetergä kileşkän ide. Uzğan atnada Paqstan mäğlümat çaraları, prezident Pärwäz Möşärräf süzlären kiterep, 2 ay eçendä Paqstan "möhim" raketa sınawları ütkäräçäk, dip xäbär itte.
