Accessibility links

якшәмбе, 11 декабрь 2016, Казан вакыты 05:27

Berläşkän Ğäräb Ämirleklärendäge faxişälek


Faxişälek Berläşkän Ğäräb Ämiratında räsmilärneñ ber dä söyläşergä telämägän tema. Xätta fäxişölek konservativ möselman federatsiäsendä räsmi räweştä yuq ta . Ämma çınbarlıqta faxişälek monda multi-million bizenes bulıp tora. Ämirlektä faxişä bulıp eşläwçe xatın qıznıñ zur öleşe üze monda kilgän yäki yarlı illärdän kiterelgän. Alarnıñ kübese Ämirlektäge seks säwdäsendä ezärleklänä häm başqa tör qıyınlıqlarğa duçar bula.

Bezneñ Dubaydağı xabärçebez bu aralarda ğına üzbäkstanlı Katarina isemle ber xatın qız belän oçraşıp söyläşte. Katarina äytüenä kürä 2002nçe yılda ul üzbäkstanda buxalter bulıp eşlägändä , anıñ citäkçelärennän berse turıdan turı bar berniçä atna Berleşkän Ğäräb Ämiratında ğäräblär belän yoqlap qayt 5meñ dollar qazanırsın dip tup turı äytkän. Ul çaqta 19 yäşlek bik yarlı ğailädä yäşägän Katarina ällä ni ozaq uylap tormıy Dubayğa yul tota . Äytep kitkän direktornıñ Ämiratttağı xezmättäşe aña viza eşläp birä häm anı hava mäydanında qarşı ala. Sponsor xanım älbättä şunduq Katarinanıñ pasportın alıp quya. Katarinanıñ üzen tıñlağız(audio) Dubayda bügen 2meñ çaması faxişä prostitutqa eşli. Alarnıñ baytağı çit illärdän kiterelgän. AQŞ Däwlät Departamentınıñ keşe belän sävdä turındağı sonğı xisabı iyün ayında iğlan itelde häm Berläşkän Ğäräb Ämiratı faxişälek belän legal bulmağan keşe säwdäse arasındağı elemtäne kontrol itä almağan öçen kisken tänqitlänä. Xisapta ,könyaq, könçığış Aziä eleke sovet respublikları häm Russiädän sex ,qollıq öçen kiterelgän xatın qız ir at ,bala çağanıñ sonğı tuqtalışı Berleşkän Ğäräb Ämirlege dip äytelgän. Baytaq qına sanda çit il xatın qızı üz illärendäge cinayätçelär tarafannan yalğan wäğdälär belän Ämiratqa kiterelä häm sex xezmätenä mäcbür itelä dip yazılğan Däwlät departamentınıñ xisabında. Dubayda Cyclon isemle tönge klub Berleşkän Ğäräb Ämirlegendä çäçäk atqan xalıqara sex säwdäsen kürsätkän yaxşı ürnäk. Zur klubnıñ xucası Londonda yäşäwçe hindistanlı. Tönge klub anda yörüçelär tarafınnan faxişälärneñ BMOsı dip yöretelä. Normal ber kiçtä anda ike distä ildän 500çaması faxişäne oçratıp bula ikän. Alarnıñ zur öleşe Azerbaycan Russiä Tadcikstan, Üzbäkstan Bolgarstan häm Taiwannan. Cyclone Dubayda faxişälär eşlägän berdänber tönge klüb tügel. Alar Dubaynıñ barlıq 5 yoldızlı qunaqxanälärendä xättä uramnarda da bar. Zur tabış kitergän bizenes, ämma xatın qıznıñ üzenä tügel. Baya tawışın işetkän Katarina miña 5meñ dolar wäğdä itelsä dä ul aqça ber qayçanda birelmäde anıñ başta äytkän 18meñ çaması dollarnı sponsor üzbäk xatını qulınnan tartıp alğan . Katarina bäxetle bügen ul faxişä bulıp eşlämi. Ul bezneñ xabärçegä min alkogolik anası tarafınnan 500 dollarğa satılıp Dubayğa kiterelgän 14 yäşlek balanı da kürdem dip söylägän. Qırğızstan respublikanıñ general konsılı Akaev Bektübäk min andıy säwdägärlärne yaxşı beläm digän Azatlıq xabärçesenä. Anıñ bürosında säwdägärlär qulınnan qotılğan häm Qırğızstanğa qaytqan bik küp xatın qıznıñ foto räsemnäre , alar turında qul belän yazılğan bik küp mäğlümät qatırğılarda saqlana. Bektübäk bu xatın qızlar yä sponsorlarınnan qaça aldılar yä dä politsiä alarnı qulğa alıp ildän çığarıp cibärde dip söylägän. Berleşkän Ğäräb Ämirlegenedä eşläwçe faxişälärneñ zur öleşe Rusiä Federatsiäsennän. Bu faxişälär sonğı waqıtlarda Üzbäkstan, Qırğıstannan şulayuq Çeçnä häm Tadcikstannan kilgän xatın qız sanı arttı dip söyli . Bazarğa şaqtıy ğına sanda Qıtay xatın qızı da kerä başlağan. Eleke sovet respublikalarınnan keşe säwdägärläre Ämirlektä yaxşı urnaşıp tamır cäygän , alar yarlı respublikalar xatın qızların cälep itä. Tadcikstannıñ Ämirlektä missisäe yuq .Ämma Düşämbedä Migratsiä buyınça xalıqara ofistä eşläwçe Nigida Mamdjonova bez Berleşkän Ğäräb Ämirlegendä kiskennäşä barğan problemanı beläbez dip äytep bolay digän(audio) Räsmi bulmağan datağa kürä 300dän artıq Tadcik xatın qızı Ämirlektä faxişälek säbäple qulğa alınğan. Bez alarnı irekkä çığaru öçen tırışmıybız. Alarnıñ bu eşkä qatnaşuın tuqtatu bezneñ öçen möhimräk, bezneñ prioritet bu. Radiobıznıñ xabärçese Dubayda Russiä häm Üzbäkstan missiälärenä küp märtäblär möräcäğät itsä dä, alar faxişölek turında söyläşüne kire qaqqan. Şulayuq Dubay politsiäse , migratsiä häm çit il eşläre departamentı räsmiläre bu xaqta söyläşergä telämägän. Törle illär faxişäläre belän ütkärelgän ängämälär idänastı törkemnäreneñ xatın qıznı sekretar, kibettä eşläw kebek yalğan wäğdälär belän Ämirlekkä kiterüe añlaşıla. Ämma bik küp xatın qız aqça eşläw mäqsatında üz teläge belän dä anda bara, alarnıñ qayberläreneñ ällä ni hönäre yuq, ikençeläre ğailälären, balaların qarau öygä yardäm itü öçen faxişölek yulın saylıy, Alarnıñ qayberläre yäş uqımışlı , hönärle Misal öçen 28yäşlek Rumıniäle Marina , ekonomist . Ul ilendä kievgä çıqqan .Marina törle xalıqara şirkätlärdä eşläp qaradım 200dollardan artıq aqça alalmadım di(audio) Rumıniädä minem irem bar. Ul minem närsäder eşlärgä teläsäm,eşliäçägemne belä. Min Rumıniägä ay sayın 2meñ dollar cibärep toram. Monda minem ir at iptäşem bar. Ul minem mondağı çığımnarnı tüli . Tormış quşa. Monda här xatın qıznıñ ir at iptäşe bar , alar kvartirnı , kiem salımnı aşau eçüne tüli... Marina Dubayda tağı ber ike yıl eşläp aqça cıyıp Rumıniädä yortlar satıp alıp, alarnı tözätep, mebellär quyıp , tabış belän satarğa planlaştıra. Çittän turist vizası belän Dubayğa kilgän xatın qız niçek anda qalıp eşli ala soñ digän sorauğa Marina mondıy cawap birä(audio) Beläsez cirle keşelär genä eşläw-yäşäw vizası alıp birä ala. Min aqça tülim häm ul miña viza, dokumentlarnı äzerläp birä. Marina häm başqaları äytüenä kürä viza öçen bu keşelärgä 2500 belän 4meñ dollar arasında aqça tülärgä kiräk. Texnik yaqtan qarağanda Marina yalğışa. Çönki çit il keşeläre dä bilgele şartlarda çit il eşçelären eşlätä ala.Ämma faxişälär belän ütkärelgän ängämälördä çit il keşeläreneñ qatnaşuı işetelmäde. Älbättä monda çit il cinayätçe törkemnäre çığarma bulıp tora. Şirkätlär bezgä sälätle çit il xezmätkäre kiräk digän sıltau belän viza alala.Xatın qız viza öçen meñnnärçä dollarnı bu şirkätkä tüli. Bu xatın qızlarnıñ başı bälägä kermäsä, ike taraf ta qänäğät eşlärenä däwam itä, ägär dä faxişä politsiä qulına eläksä, şirkät älbättä ul turıda işetergä dä belergä telämi. Qayçaqta bu sponsorlar xatın qıznıñ ayına tapqan aqçasınıñ bilgele ber öleşen alıp tora .Misal öçen Marina aylıq tabışınıñ 50%ın eş vizası öçen tülim di.Viza 3 aylıq möddät öçen birelä. Ostarıp, şomarıp kitkän faxişälär üzläre sponsorğa äylänä qayber oçraqlarda, alar üz illärennän xatın qıznı kitertä, yulların tüli, viza alıp birä. 8yıl elek Dubayğa kilgän azerbayçanlı Aleksandra başta uramnarda eşlägän ä xäzer üze cirle ğäräb ir atı belän bergäläp Azärbaycannan xatın qız import itä. Berleşkän Ğäräb Ämiratında sannarı nıq artıp kitkän faxişälär belän bergä , ezärlekläv, üterülär dä artıp kitte.Marina süzlärençä (audio) Bik küp xatın qıznıñ problemaları bar bik küp.... Ütkän ayda Berleşkän Ğäräb Ämirlegendä 6 faxişä üterelde, alarnıñ qayberläreneñ mäyetläre tanılmaslıq xäldä.

färidä xämit,praga
XS
SM
MD
LG