İndoneziädä berençe märtäbä ütkärelgän turıdan-turı prezident saylawları başqala Jakartada Qazan waqıtı belän äytkändä düşämbe irtän 8dä tämamlandı .Saylawlarğa tawış birergä xoquqlı 153million keşeneñ 70,80%tı qatnaştı dip faraz itelä.İndoneziä xalqınıñ 85%möselman . Xalıq ilneñ säyäsi kiläçägenä qatnaşu mömkinçelegen xuplap qarşı aldı. Ber xanım(audio)
Min üz fikremne beyan itergä häm il belän citäkçelek itäçäk keşene turıdan turı saylı alğan öçen üzemne bäxetle xis itäm dip äytte.
Räsmi bulmağan berençe näticälär sişämbedä bilgele bulaçaq. Ämma fiker beleşülär älege prezident Megawati Sukarnoputrinıñ urınıñ saqlap qalu öçen citärlek atwış alalmıyaçağın kürsätä.Megawati İndoneziägä nigez salğan prezidnet Sukarnonıñ olı qızı . Ul 2001 nçe yılda şuşı yuğarı posqa bilgelände. Aradan 3 yıl ütügä qaramastan İndoneziä zäğif iqtisad häm kiskennäşä barğan islamçılar probleması belän köräşä. İndoneziälelärneñ kübese Megawatigä täsirle citäkçe dip qaramıy. Ul tawış birgännän soñ bernindi fiker beyan itmäde.İlbaşı urını öçen 5 namzät yarışa. Pensiädäge general häm Megawatinıñ eleke iminlek ministırı Susilo Bambang Yudhoyono in küp tawış alaçaq dip kötelä. Yudhoyono İndoneziä säyäsi säxnäsendä çağıştırmaça yaña isem.Ämma anıñ popularlıq reytınğı sonğı atnalarda 40%tan artıq ide. Anıñ 4 köndäşennän küpkä kübräk.Elekege general sayalwaldı kampaniäsen rişwätçelekkä qarşı köräş, iminlekne arttıruğa nigezlägän ide. Här ike mäsälädä indoneziälellärne nıq borçıy. Şulay da ul düşämbedäge tawış birüdä kiräkle 50%nı alğan dip kötelmi.Bu inde ul ikençe urınnı alaçaq namzät belän sintäber ayında yarışaçaq digän süz.Düşämbedä ul tawış birgännän soñ jurnalistlarğa(audio)
Min berençe turda ciñäp ikençe turğa ütä alaçağıma ışanam dide.
Fiker beleşülärgä qarağanda ikençe urın öçen köräş Magawati , anıñ elekege xärbi citäkçese Wiranto häm urta yulda toruçı möselman citäkçese Amien Rais arasında baraçaq. 5nçe namzät vitse prezident Haz, ul tawışlarnıñ bik azın alaçaq dip kötelä. Düşämbe saylawları İndoneziäneñ şaqtıy qatmarlı demokratiä suqmağındağı sonğı adım bulıp tora. Üzgäreşlär 1998-nçe yılda demokratiä yaqlı demonstratsiälär näticäsendä ilneñ aftokrat citäkçese Suxartonıñ urınınnan kitüe belän başlandı. 2002nçe yılda konstitutsiägä xalıq prezident häm vitse prezidentnı saylarğa tieş digän üzgäreş kertelde. Elek prezident parlamentnıñ yuğarı palatası tarafınnan bilgelänä ide. Düşämbe saylaularında tärtipsezlek , xärämläşülär turında xabärlär bulmadı. Prosessnı 600 çit il küzätüçese şulsanda AQŞnıñ eleke prezidentı J.Carter qarap bardı. Carter (audio)
Bu aftokratik rejimnnan 6 yıl kebek qısqa waqıt eşendä çın demokratiägä küçü , monıñ öçen İndoneziä xalqı täbrik itelergä tieş dip äytte.
Prezidnet namzätläreneñ berse dä islamçı däwlät formasın yaqlamıy.aylawlarnıñ tögäl näticäse 2 atnadan soñ bilgele bulaçaq dip kötelä.
färidä xämit,praga
färidä xämit,praga