Accessibility links

Кайнар хәбәр

Rektor Nail'' Xäyrullin: “Aferistlarğa ışanmağız!”


Tatarstannıñ yuğarı uqu yortlarına dokumentlar tapşırunıñ bügen qızğan çağı. Respublikada barlığı 73 yuğarı uqu yortı eşläp kilä. Alarnıñ 47sе däwlätneke bulsa, qalğan 26 VUZ xosusıy räweştä eşli. Däwlät VUZları isemlegenä Tatarstannıñ uqu yortları belän bergä Mäskäw häm başqa töbäk VUZlarnıñ Tatarstandağı filialları da kerä. Bügenge köndä respublikada barlığı 16 meñ 200 student uqıy. Şular arasında köndezge uquda 11 meñ, kiçkesendä 1meñ 300 häm çittän torıp uquçılarnıñ sanı 3meñ 800dän artıq. Şulay uq däwlät uqu yortlarında tağın 8 meñläp student byudjettan tış yäki aqça tüläp uqıy torğan bülektä.
Bıyıl mäktäpne altın yäki kömeş medal'gä tämamlawçılar sanı uzğan yılğa qarağanda yözgä kübäyde. Qazannıñ finans ekonomika institutı rektorı, Tatarstannıñ rektorlar oyışması räise Nail' Xäyrullin süzenä qarağanda, uzğan yılda medal'gä tämamlawçı 537 abiturient köndezge uquğa 400 urınğa dokument tapşırdı. Alar arasında 166sı berençe imtixannı yaxşığa birep kerde, ä tağın 16 abiturient qalğan imtixannarnı uñışlı ütep yuğarı uqu yortına kerü bäxetenä ireşkän. Nail' äfände äytüençä, medalistlarnıñ yartısı imtixannarnı ikelegä birep, medal’lären aqlıy almadı.
Qazannıñ finans ekonomika institutı iñ köçle uqu yortları sanına kerä. Anda yaxşı belgeçlär äzerlänä, alarnı uqu yortnı tämamlağaç eş bulmas digän problema bik borçımıy.
Uqu yortlarına kerüçelärne soñğı yıllarda ürçep kilüçe rişwätçelek mäs’äläse bik borçıy. Qazannıñ finans ekonomika institutı rektorı, respublikanıñ rektorlar oyışması räise Nail' Xäyrullinnıñ süzenä qarağanda, rektornı, dekannı beläm, aqça tüläsäñ uqırğa kertäm dip aldap yörüçelärgä ışanğançı, imtixanğa yaxşı äzerlänep, maxsus testlar, künegülär aşa ütü ömetleräk bulıp çığa. Xäyer imtixan kebek sirat küperennän ütüçelär öçen bu barıber bik awır könnär.
Al'bina Zäynulla, Qazan.
XS
SM
MD
LG