Accessibility links

чәршәмбе, 7 декабрь 2016, Казан вакыты 13:37

Theodoros Zagorakis - 2004 Yevropa Berençelege futbolçısı


Gresiä futbolçıları kapitanı Theodoros Zagorakis Yevropa 2004 çempionatınıñ iñ mäşhür futbolçısı isemen yawladı. Bu xaqta UEFA'nıñ trenerlar häm belgeçlärdän torğan tikşerü törkeme häm oyıştıruçılarnıñ internet säxifäsendä tawış birüdä qatnaşqan canatarlar qarar birgän. 32 yäşlek Zagorakis büläkne kiläse ayda Monakoda alaçaq. Kiçä dönya buylap millionlağan grek Gresiä futbolçılarınıñ Yevropa Berençelegendä ciñülären bäyräm itte. Afin häm ilneñ başqa şähärlärendä xalıq uramnarğa çıqtı: "Ber grek ta bügen ni bulğanına ışana almas. Yıllar uzğaç ta bügen närsä bulğanına ışanmabız," dide Grek fannarını berse. Gresiä futbolçılarınıñ moñarçı ber genä berençelektä dä ciñgännäre yuq ide. Bügen Portugaliä premyer-ministrı Jose Manuel Durao Barroso wazifasınnan kitep Yevropa Komissiäse başlığı itep bilgelänäçäk. Portugaliä prezidentınıñ matbuğat wäkile, tağın ber säğattän Durao Barrozo prezident Jorge Sampaio belän oçraşaçaq, dip xäbär itte.

XS
SM
MD
LG