Accessibility links

якшәмбе, 4 декабрь 2016, Казан вакыты 13:25

Ğiraqnıñ waqıtlı xökümäte ildäge yaña iminlek qanunnarın iğlan itüne kiçekterde


Ğiraq räsmiläre bügengä planlaştırılğan matbuğat oçraşuın bilgesez waqıtqa kiçekterde. Oçraşuda Yustisiä ministrı Malik Dohan häm Keşe Xoquqları ministrı Baxtiyar Amin, ildä baş kütärüçelärgä qarşı küreläçäk çaralar, qulğa alınğan ğısyançılarnıñ irekkä çığarıluı häm ilneñ qayber öleşlärendä xärbi wazğiät iğlan itü turında söylämäkçe bulğan. Jurnalistlar belän oçraşu inde ikençe tapqır kiçekterelde. Säbäbe äytelmi. Ğiraq premyer-ministrı İyad Allawi Al-Arabiä televideniä kanalına bügen, Saddam Hösäingä nindi xökem qararı çığarunı mäxkämä qarar itäçäk, dip belderde: "Ülem cäzası birü-birmäw turında mäxkämä qarar itäçäk. Xökümät isä, qararnıñ ğadel häm bäysez buluına ışanıp, şuşı qararnı ütiäçäk", dide Ğiraqnıñ waqıtlı premyer-ministrı. Başqa xäbärlärgä kilgändä tönyaqtağı Mosul şähärendä yul çatında bomba şartlap 5 keşe yaralandı, Bağdadtan könyaqkönbatışqa taba 80 çaqrım yıraqlıqta saftan çıqqan neft torbaların tözätü eşe däwam itä.

XS
SM
MD
LG