Accessibility links

якшәмбе, 4 декабрь 2016, Казан вакыты 04:51

İndoneziädä prezident saylawlarınıñ berençel näticäläre iğlan itelde


İndoneziädä bügen irtän tämamlanğan berençe turıdan turı prezident saylawlarınıñ berençel näticäläre mäğlüm bula başladı. Arxipelagnıñ 17 meñ utrawında 150 millionnan artıq keşe tawış birüdä qatnaşqan, bu İndoneziä xalqınıñ yaqınça 80%tın täşkil itä. Älegä, tawışlarnıñ 1 %tı ğına sanalğan xäldä berençe urında pensiädäge general Susilo Bambang Yudhoyono bara, ikençe urında xäzerge prezident Megawati Sukarnoputri häm öçençe urında elekke xärbi köçlär başlışı Wiranto. Ägär dä namzätlärneñ berse dä tawışlarnıñ 50%tan artığın qazana almasa – ikençe turğa çıqqan ike kandidat sintäbr ayında köç sınaşaçaq. İndoneziädä uzğan prezident saylawları näticäse 1-2 atnadan bilgele bulır dip kötelä.

XS
SM
MD
LG