Accessibility links

якшәмбе, 11 декабрь 2016, Казан вакыты 09:06

Kamal teatrı artistları İstanbulda uzğan xalıqara festival`dän qayttı


Ğäliäskär Kamal isemendäge akademiä teatrı artistları Törkiädä ütkän teatr festivalendä alğan tä’sirlär belän yäşi. Düşämbe könne kiç, artistlar Qazanğa äylänep qayttı häm «Azatlıq» radiosı tıñlawçıları belän festival` turında istäleklär belän büleşte. Tatarstannıñ iñ däräcäle teatrlarnıñ berse – Ğäliäskär Kamal isemendäge akademiä teatrı yıl sayın diärlek Törkiägä barıp, törle festival’lärdä qatnaşıp qaytqan ide. Mäsälän, aldağı yıllarda «Näwrüz» isemen yörtüçe törki xalıqlar festivaleneñ dä, Törkiädä ütkärelgäne buldı, 2003yılnıñ aprelendä Adana şähärendä «Sabancı wäqıfı» oyıştırğan teatr festivalendä dä «kamallı»lar qatnaşıp qayttı. Bu yulı, artistlar İstanbuldan bötenläy başqa teatr bäyrämennän äylänep qaytqan. Festival` turında tulıraq itep, teatr artistı Xälim Cäläydän söyläwne ütendek. Anıñ äytüençä, bu «İstambul Mikän teatrı» iseme astında uzdırılğan 1nçe xalıqara festival` bulğan. Äsärlär Galata küperendä, açıq hawadağı säxnädä uynalğan. Ul çara 1nçe iyüldä açılğan bulsa, avgust ayına qädär däwam iteläçäk ikän.

Xälim Cäläy äytüençä, artistlarnı İstanbulnıñ zurlığı, anıñ tarixi mäçetläre, istälekläre urınnarı şaqqatırğan. İstanbul tatarları belän oçraşu mizgelläre dä cılı xatirä bulıp alarnıñ küñellärendä yäşi. Näqi İsänbätneñ «Cirän çäçän häm Qaraçäç sılu» äsären tamaşaçı bik cılı qabul itkän. Zalda tatarlar utırğan, häm alar, baş rejisserğa möräcäğät itep, annan tärcemäsez genä häm tatarça söylärgä ütengän.

İstanbulda mondıy xalıqara teatrlar festivale 1nçe ütkärelgän ikän. Ul «İstanbul Mikän teatrı» iseme belän bäyle bulıp, alğa taba da däwam iteläçäk. Tatarstannan kilgän äsär belän festival` açılğan bulsa, Makedoniä, Bosniä, Almaniä, Başqortstan, Tuva, Astana, Çuaşstan häm Qırım-tatar teatrları festival` programmasın däwam ittergän. Här äsär milli teldä uynalğan, tärcemä bulmağan.

Bikä Timerova.

XS
SM
MD
LG