Könbatış Yarda bügen bäreleşlärdä 4 fälestinle häm ber İzrael xärbie hälak buldı. Atışlar Nablus şähärendä Ein Beit-İlma qaçaqlar lagerendä İzrael ğaskärläre fälestin suğışçıların ezlägändä bulğan. Tabiplar süzlärenä qarağanda, hälak bulğan 4 fälestinleneñ ikese – sivil keşelär. Gaza sızığınıñ könyağında İzrael köçläre 2 qorallanğan fälestinlene atıp üterde. Xäbärlärgä qarağanda alar – al-Aqsa intixarçıları häm al-Quds brigadaları äğzaläre bulğan.
Bügen Jerusalimda Yaqın Könçığış "kvartetı" yağni Berläşkän Millätlär Oyışması, Yevropa Berlege, Rusiä häm Quşma Ştatları wäkilläre söyläşülär uzdırdı. Matbuğat oçraşuı aldan planlaşırılğan bulsa da – iminlek säbäplärennän anı oyıştırmadılar.
Şulay uq bügen İzraelgä Berläşkän Millätlärneñ Atom agentlığı başlığı Möhammäd ElBaradei kilä. İzrael premyer-ministrı Ariel Şaron, İzrael üzeneñ atom säyäsäten üzgäretrgä cıyınmıy, dip belderde. İzraelneñ xärbi radiosına birgän äñgämädä Şaron, ElBaradai'nıñ närsä qararğa kilüen añlamıym, dide.
İzrael atom qoralğa iä bulğanın raslamıy häm kire dä qaqmıy. Xalıqara belgeçlär İzraelneñ atom qoralı bar, dip sanıy. ElBaradei, Yaqın Könçığışnı atom qoralınnan azat zona itep iğlan itü plannarın tormışqa aşırırğa teli. İzrael isä, Qoral cäyelderüne tuqtatu turında kileşügä qul quymağan, şunıñ öçen anıñ üzeneñ atom eşçänlege turında atom agentlığına xisap birmäw xoquqı bar.
Bügen Jerusalimda Yaqın Könçığış "kvartetı" yağni Berläşkän Millätlär Oyışması, Yevropa Berlege, Rusiä häm Quşma Ştatları wäkilläre söyläşülär uzdırdı. Matbuğat oçraşuı aldan planlaşırılğan bulsa da – iminlek säbäplärennän anı oyıştırmadılar.
Şulay uq bügen İzraelgä Berläşkän Millätlärneñ Atom agentlığı başlığı Möhammäd ElBaradei kilä. İzrael premyer-ministrı Ariel Şaron, İzrael üzeneñ atom säyäsäten üzgäretrgä cıyınmıy, dip belderde. İzraelneñ xärbi radiosına birgän äñgämädä Şaron, ElBaradai'nıñ närsä qararğa kilüen añlamıym, dide.
İzrael atom qoralğa iä bulğanın raslamıy häm kire dä qaqmıy. Xalıqara belgeçlär İzraelneñ atom qoralı bar, dip sanıy. ElBaradei, Yaqın Könçığışnı atom qoralınnan azat zona itep iğlan itü plannarın tormışqa aşırırğa teli. İzrael isä, Qoral cäyelderüne tuqtatu turında kileşügä qul quymağan, şunıñ öçen anıñ üzeneñ atom eşçänlege turında atom agentlığına xisap birmäw xoquqı bar.
