Accessibility links

дүшәмбе, 5 декабрь 2016, Казан вакыты 03:42

NATO diplomatları Bağdadta Ğiraq iminlek köçlären öyrätü plannarın tikşerä


Bügen NATO wäkile, amerikan generalı Gregory Johnson Bağdadta Ğiraq saqlanu ministrı Hazim al-Şaalan belän oçraştı. Söyläşüdä süz NATOnıñ Ğiraq iminlek köçlären öyrätü plannarı turında barğan. Oçraşudan soñ Ğiraq ministrı al-Şaalan, kiläçäkkä plannar turında menä närsälär belderde: "Soñğı yıllarda xökem sörgän diktatorlıq rejimınıñ qaldıqların beterü öçen bez xärbilär häm sivil cämğiät arasında tıqlı elemtä buldırırğa tieş." dide Ğiraq saqlanu ministrı.

NATO diplomatları saqlanu berlegeneñ Ğiraqqa yardäm kürsätü yulların tikşerä. Şulay uq alar, Ğiraq iminlek köçlären Ğiraqnıñ üzendä yäki çit illärdä öyrätü mömkinlegen dä tikşerä.

Amerikan ğaskärläre mäğlümatlärenä qarağanda kiçä Ğiraqnıñ könbatışında "iminlek çaraları waqıtında" maxsus köçlärneñ 3 xärbie hälak bulğan. Al-Anbar provinsiäsendä atna – 10 kön waqıt eçendä 10 amerikan xärbie hälak buldı.

Kiçä Bağdadta waqıtlı Ğiraq xökümäte, Falluca şähärendä Ğiraq ğısnyançılarına qarşı hawa höcüme öçen amerikan xärbilärenä küzläw mäğlümatläre birgäne turında xäbär itte. Kiçä dä distägä yaqın keşe hälak bulğan ide. Kiçäge höcüm – Abu Musab al-Zarqawi keşelärenä qarşı oyıştırılğan bulğan.

XS
SM
MD
LG