Accessibility links

пәнҗешәмбе, 8 декабрь 2016, Казан вакыты 05:15

AQŞ prezidentlığına demokratlar namzäte John Kerry vise-prezident itep John Edwards'nı bilgeläde


Quşma Ştatlarda demokratlarnıñ prezidentlıqqa namzäte John Kerry, saylawlarda ciñgän xäldä - senator John Edwards'nı vise-prezident itep bilgeliäçägen iğlan itte. Noyabr ayında şuşı ike keşe xäzerge prezident George Bush häm vise-prezident Dick Cheney belän köç sınaşaçaq. Bügen bu xaqta Kerry Pittsburgh'ta üz tarafdarları qarşında çığış yasağanda belderde: "Zur şatlıq belän iğlan itäm, Amerika Quşma Ştatlarınıñ kiläse vise-prezidentı Tönyaq Karolina ştatı senatorı John Edwards bulaçaq," dide Kerry.

Edwards'qa 51 yäş, beleme – yurist, xäzerge waqıtta ul könyaqtağı Tönyaq Karolina ştatı senatorı. Kerry üze ilneñ tönyaqkönçığışındağı Masschusettes ştatınnan. Demokratik dairälärdä Edwardnı kütärenke ruxlı kampaniä alıp barğanı öçen yaratalar. Ämma Edwards şul uq waqıtta Bushnıñ iqtisadi säyäsäten nıq täqñitli, ul xäzerge prezidentı "ike Amerika" buldıruda, ilne baylar häm yarlılar öçen bülüdä ğayepläde.

XS
SM
MD
LG