Accessibility links

җомга, 9 декабрь 2016, Казан вакыты 22:25

Tatarstan üzendä çığarıla torğan barlıq neft'ne eşkärtep satırğa cıyına


Ministrlar Kabinetında çärşämbe könne ütkän brifingnıñ berençe öleşendä premyer-ministrnıñ nefteximimya kompleksı mäsäläläre buyınça kiñäşçese Rinat Sabirov häm “Tatnefteximinvest xolding” berläşmäse general' direktorı Rafinad Yärullin berençe Mäskäw Xalıqara ximik sammit yomğaqları turında xisap tottılar. Älege sammitqa täwge märtäbä nefteximiä tarmaqlarınıñ barlıq wäkilläre beryulı cıyılıp kiñäş tottılar. Şuña kürä monda strategik mäs'älälär quyılğan. Rusiä neft' citeşterü häm anı çitkä çığaru buyınça dönyada berençe urınnarğa çığıp bara. Älbättä, Tatarstan “Tatneft”yeneñ monda öleşe zur. Uzğan xäbärebezdä 2003 yıl yomğaqları buyınça “Tatneft'”neñ Rusiäneñ 300 iñ ere şirkätläre arasında 11нче urınğa çıqqanı turında söyläp uzğan idek. Läkin Rusiä häm Tatarstan neft'çeläre kiläçäktä çi neft'ne satıp qına mantıp bulmas dip sanıylar ikän. Neft'kä dönya bäyäläreneñ barellenä 30-35 dollarğa sikerüe ozaqqa bulmas dip sanıylar. Totrıqlı zamannar kilgäç ul 20-25 dollar tiräsendä bulırğa tieş. Şuña kürä neft'ne eşkärtep, annan qimmätle produksiä citeşterü farız. Tatarstanda nefteximiä sänäğäte yıl sayın 7 million tonna neft' eşkärtä. Tatarstanda inde Rusiädä citeşterelä torğan etilennıñ yartısı citeşterelä ikän. Nefteximiä sänäğäte citäkçeläre yaqın kiläçäktä neft' eşkärtüne tağın da ikelätä-öçlätä arttırırğa cıyınalar. Brifingta “Tatnefteximinvest xolding” berläşmäse general' direktorı Rafinad Yärullin “Ägärdä bez neft' eşkärtüne ikelätä-öçlätä arttırsaq, bezgä neft' çığaruçı başqa töbäklär çiratqa basaçaqlar” dip belderde.

Qazan avtomobilistlarına ğazaplanırğa ozaq qalmadı

Ministrlar Kabinetı brifingınıñ ikençe öleşe Qazanda metro tözeleşenä häm 4нче transport dambası häm Qazansu aşa yaña küper tözeleşenä bağışlandı. Xäzerge waqıtta Qazanda 145 meñ avtomobil' terkälgän. Yıl sayın bu san 10% arta. Qazan uramnarında transport bökeläre, yul häläkätläre yul ğazaplarına künegelep bara. Monnan 5 yıl elek Qazansu aşa ponton küpere salınğan ide. Waqıtında ul şaqtıy ğına ciñellek kiterde. Läkin anıñ tağın ber yıl ğına yäşise qalğan ikän. Şuña kürä 4нче transport dambası häm Qazansu aşa yaña küper salu zarurlığın inde berkemgä dä dälilläp torası yuq. Xäzerge waqıtta älege küperneñ fundamentınıñ 60% äzer ikän, küperneñ öç tasmalı berençe çiratı 2005 yılğa, Qazannıñ 1000-yıllığına äzer bula, inşalla. Küper häm damba tözeleşenä 3 milliard sum çaması aqçanı respubliлa häm şähär byudjetınnan bülep birälär. Federal' byudjet monda qatnaşmıy. Ä menä Qazan metrosı tözeleşenä finanslaw 50:50 bara ikän. Yäğni, yartı aqça federal' byudjettan. Metro tözeleşe dä finişqa çığa. Qazan metrosınıñ berençe liniäse biş stansiä häm dürt aralıq şulay uq Qazannıñ 1000-yıllığına tapşırılaçaq. Xäzerge waqıtta Qazan metropolitenı digän oyışmağa ştat tuplana, uqıtu-öyrätü eşläre başlanaçaq. Söyembikä häm Katyuşa digän tonnel' qazu maşinaları rekordlı templarda eşlilär. Ayğa 300зәр metr cir astı yulı qazıylar. Qazan metrosı şähär transportı eşeneñ 10% üz östenä alaçaq. Yunıs Ätnäle.

XS
SM
MD
LG