Bu arada Qazan sport başqalasına äylände. Çärşämbe könne başqalada Rubin futbol komandası Mäskäwneñ TSSKA futbolçıları belän uynadı. Uzğan yılnıñ çempionı belän çempionatnıñ bronza medalistları uynağanın qazanlılar ğına zarığıp kötmädelär. Mäskäwdän dä älege uyınnı qararğa 1 meñ tiräse TSSKA canatarı kilde. Älege komanda fanatlarınıñ şaqtıy tınğısız ikäne bilgele. Şuña da, alarnı Tatarstanda Qazan belän tanışır öçen avtobuslar ğına tügel, ä köçäytelgän militsiä patrul’läre dä qarşı aldı. Başqalağa şulay uq Bertuğan Znamenskiylar isemendäge ciñel atletika buyınça sport yarışlarında qatnaşuçılar da kilä başladı. Älege bäygelär Qazanda 8-9 yüldä uzaçaq. Anda Rusiä sportçıları ğına tügel, ä 23 ildän qatnaşuçılar kiler dip kötelä. Yarışlarda tanılğan Çallı sportçısı Gölnara Sämitova da qatnaşaçaq. Şuşı könnärdä genä Tula şähärendä uzğan ciñel atletika buyınça Rusiä çempionatında Gölnara Sämitova 3 meñ metrğa yögerüdä yaña dönya rekordına ireşte. Qazanda da ul ciñügä ireşer dip ömetlänä anıñ canatarları. Ä menä respublikada ütä torğan şaxmatlat buyınça xatın-qızlar arasında Rusiä çempionatında tatarstanlılar älegä ciñülärgä bik siräk ireşä.
Gölnaz İlgizär
