Accessibility links

Кайнар хәбәр

Älisä Ğällämova älegä ottırıp bara


Xatın-qız şaxmatçılar arasındağı Rusiä berençelegeneñ reklaması Älisä Ğällämova suräte belän barsa da, tanılğan şaxmat ostasınıñ yarıştağı xäle maqtanırlıq tügel. Älegä ul 7nçe urında ğına tora. Berençe uyınnarda ul ciñgän bulsa, soñınnan ber niçä partiäne niçya belän tämamlasa, soñğı ike uyınnı Älisä Ğällämova ottırdı. Aña tağın 4 partiä ütkärergä kiräk. Alarda şuşı Tatarstan wäkile ciñügä ireşsä, berençelekneñ liderları arasına kerä alaçaq, dip sanıy belgeçlär. Älisä Ğällämova, şulay uq Qazannan bulğan sportçı Yelena Zayats belän yarışa. Çempionatta tağın Mäskäw, Çiläbe, Dondağı Rostov häm Kirovtan kilgän xatın-qız şaxmatçılar qatnaşa. Ä iñ köçlelär bulıp, Ästerxan şaxmatçıları sanala. Annan 3 qız kilgän. Xäzergä, Ästerxan qızı Tatyana Kosinteva çempionatta iñ uñışlı çığış yasawçı uyınçı, dip sanala. Yarışlarnıñ süzçese Eldar Moxämmätov äytüençä, xäzerge waqıtta yäşlär, olıraq yäştäge sportçılarnı arttaraq qaldırıp bara, yarışlar bik qatı bara. Çempionnar uyınnarın küzätergä teläweçlär www.russiachess.ru saytında on-line aşa qarap bara ala.

Bikä Timerova.

XS
SM
MD
LG