Accessibility links

Кайнар хәбәр

Rusiä räsmiläre Yukostan burıçlarnı qaytaru eşen başladı


Rusiä Yustisiä ministrlığı räsmiläre süzlärenä qarağanda, Yukostan 3.4 milliard dollar burıçın alu eşe başlandı. Neft şirkäteneñ matbuğat wäkile Alexandr Şadrin, bügen räsmilär maxsus köçlär yardämendä binadağı saqlağıçta bulğan milekne terkäp çıqtı, dip belderde.

İqtisadi Xezmättäşlek häm Tärräqiät Oyışması – Yukosqa qarşı belderelgän ğayepläwlärne şulay uq Rusiäneñ tağın yözlägän şirkätenä häm millionlağan keşesenä belderep bulır ide, dip, Rusiä xökümäteneñ mondıy ber yaqlı qararına täñqit belderde. Yukosnıñ elekke citäkçese Mixail Xodorkovski törmädä – xökem qararın kötä. Anı salım tülämäwdä häm urlaşuda ğayeplilär. Citärlek dälillär tabılsa – Xodorkovskiğa 10 yıl törmä yanıy. Britaniäneñ Financial Times gazetı, Xodorkovski burıçlarnı tüläw häm Yukosnı saqlap qalu öçen üzendä bulğan şirkätneñ 44%tı aksiälären satarğa täqdim itte, dip yazıp çıqtı. Ämma ni Rusiä xökümäte , ni Yukos wäkilläre bu xäbärne älegä raslamadı. Rusiä xökümäte, Xodorkovskidan mondıy täqdim älegä kilmäde, dip belderde.
XS
SM
MD
LG