Accessibility links

дүшәмбе, 5 декабрь 2016, Казан вакыты 11:35

Yevropa Berlege Tönyaq Kiprne izolatsiädän çığarırğa äzerlänä


Çärşämbedä Yevropa Komissiäse Kiprneñ törek okupatsiäse astında torğan öleşenä säwdädä qayber qulaylıqlar kürsätü häm 2004 belän 2005nçe yıllar öçen 259million yevro yardäm birü turıda qarar qabul itte. Komissiä räsmiläre, bu çaralar äğza illär tarafınnan (kötelgäneçä) qabul itelgännän soñ utrawnıñ tönyaq öleşeneñ iqtisadi izolatsiäse beteçäk digän qaraşta .

Yevropa Komissiäse utrawnı berläşterü buyınça ütkärelgän referendumda ''eyye''dip tawış birgän Kiprnıñ Tönyaq öleşen büläklägän qayber çaralar iğlan itte. Komissiä Tönyaq Kiprnıñ säwdäsen irekländerergä qarar birde . Yevropa Berlegenñ kiñäyü buyınça komissarı Günter Verheugen Blok äğzaları bu çaranı qabul itäçäk dip kötä. Ayruça komissiä 2004 wä 2005nçe yıllar öçen 259million yevrolıq yardäm birmäkçe. Verheugen ciñelülärgä qaramastan Yevropa Berlege Kiprnıñ törek wä grek öleşlären berläşterü turındağı ozın möddätle mäqsatın ğämälgä quymaqçı dide..Verheugen süzlärençä(audio) . Paketnıñ mäqsatı Kiprnıñ törek cämäğätçelegen izolatsiädän çığaru. Bez monıñ öçen törle çaralar qullanabız. Säyäsi mäqsat Kipr konfliktın xäl qıluğa yardäm itü häm sonğı çiktä utraunı berläşterü .Yevropa Berlege berläşkän häm Berlekkä äğza Kipr kürergä teli Verheugen Kiprneñ törek öleşe 24nçe apreldä ütkärelgän refendumnı yaqlap tawış birde, monıñ öçen añı çittä qaldıru ğädel bulmas ide dide. BMO ximäyäsendä utrawnı berläşterü buyınça ütkärelgän refendumda grek öleşe qarşı tawış birde . Utrawnıñ könyağı yäğni grek öleşe 1nçe mayda Yevropa Berlegenä quşıldı. Tönyaq Kiprnı Ankara ğına tanıy. Verheugen Berlekneñ tönyaqqa yardäme çiklängän häm qısqa waqıtlı bulaçaq, azıq tölekne küzdä totmağanda ul barlıq tovarların irekle räveştä sata alaçaq dip äytte. Ul tağı Yevropa Berlege çüp eşkärtü zavodları , baqır şaxtaların yaxşırtu kebek proyektlarnı finansiäliäçäk ozın möddätne küzdä totqanda turizm qorılmaları , awıl xuçalığı elektr, telekomunikatsiä infrastrukaturasın yaxşırtaçaq dip söyläde. Berlek şulayuq törek häm grek xakimiätläreneñ urtaq proyektların yaqlayaçaq . Verheugen bu çaralarnıñ säyäsi ähämiäte iqtisadi faydağa qarağanda küpkä kübräk di . Komissar qaraşınça, utrawnıñ ike öleşe arasındağı zur iqtisadi upqınnı taraytırğa kiräk. Ägär dä tönyaqnıñ ekonomik kiläçäge yaxşırmıy, naçarlana barsa ,Kipr törekläreneñ zur öleşe utrawnı taşlap kiter dip kötergä kiräk. Sonğı çiktä anda Kipr törekläre tügel ä kiterelep urnaştırılğan törklär genä qalaçaq . Verheugen Yevropa Berlege Tönyaq Kiprdağı Yevropa yaqlı demokratik köçlärne büläklärgä teli dip äytep (audio) Beräwdä turıdan turı yäki başqa yul belän Tönyaq Kipr Respublikasın tanırğa cıyınmıy. Urta Dingezneñ könçığışında keçkenä Törek däwläte ber kemneñ dä mänfäğätenä turı kilmi.Bu eşne qatmarlandıraçaq qına, beräüdä şulsanda Yevropa Komissiäse dä bu fikerne yaqlamıy. Ämma Verheugen Kirp Törek xakimiäten izolatsiädän çığıru öçen xezmätäşlek itü zarur barlıq äğza illär täqdimnärne yaqlıy disä dä ul Kipr Grek xökümäteneñ saqlıq kürsätäçägen küzdä totıp, säwdäne irekländerü öçen Berlek äzğalarnıñ küpçelek tawışı ğına kiräk dip äytte.Räsmilär Kiprnıñ Grek xökümäte säwdäneñ törek portları , şulayuq ike maxalläne ayırğan yäşel sızıq aşa eşlänüenä qarşı dip belderde. Ämma alar 259 million yevronıñ birelüenä qarşılıq kürsätmäs dip kötelä.

färidä xämit,praga
XS
SM
MD
LG