Accessibility links

чәршәмбе, 7 декабрь 2016, Казан вакыты 19:36

Amerika konsulı Ufağa eş säfärenä kilde


Amerika Quşma Ştatlarınıñ Rusiäneñ Yeqäterinburg şähärendäge general qonsulı Roland Sqott citäkçelegendäge wäkillege Başqortstanğa eş säfären başladı. Amerík qonsulınıñ Ufağa çirattağı kilüe nigezdä humanitar mäsälälär buyınça söyläşülär ütkärü häm berniçä urında oçraşularda bulu maqsatın küz uñında tota. Comğa könne Roland Sqott Ufadağı amerík – başqort litseyenda häm 20 nçe sanlı başqort mäktäp – internatında bulıp andağı uqıtu barışı belän yaqınnan tanıştı. Älege uqu yortlarında balalar ingliz telen tiränten öyränä. Alar Amerík Quşma Ştatlarındağı yäştäşläre belän internet çeltäre aşa daimi aralaşıp yäşi. Roland Sqott litseyda häm internat – mäktäptä oçraşu waqıtında ingliz telen öyränüçe uquçılarnıñ cäyge lağere tormışı belän dä qızıqsındı. Bu lağerda balalar öçen ingliz telen häm Amerík mädäniäten öyränüneñ maxsus programnarı buldırılğan. Andí proektlarğa AQŞnıñ Rusiädäge ilçelege häm Yeqäterinburgtağı qonsullığı matdi yärdäm dä kürsätep tora.

Amerikanıñ Yeqäterinburgtağı general qonsulınıñ Ufağa säfäre däwam itä.

XS
SM
MD
LG