Başqortstan tatar cämäğätçelek oyışmaları citäkçeläre häm aktíf äğzaları kiläse atnanıñ sişämbesendä çirattağı kiñäşmäsenä cíıla. Anda Başqortstanda tatar telenä dä däwlät tele statusı taläp itü buyınça referendumğa äzerlek mäsäläläre tikşereläçäk. Şunısı üzençälekle – 13 yüldä ütäçäk ul möhim söyläşüdä qatnaşu öçen Mäskäwdän dä qunaqlar kiläçäk ikän. Rusiä Federasí şurasınnan, Däwlät Dumasınnan, Rusiä prezidentı apparatınnan kiläçäk däräcäle wäkillär Başqortstan tatarları problemnarı belän yaqınnanraq tanışu telägen beldergän. Başqortstan tatar milli xäräkäte oyışmaları tatar telenä dä däwlät tele statusı alu öçen xalıq fikeren beleşüne kön üzägenä quyğannan soñ, Mäskäw türäläre dä bu ğädättän tış xälgä iğtibar itmi buldıra almadı. Ufağa başqala – taşqala türäläre nindi niätlär belän kiler, tatar oyışmalarına alarnıñ kilüennän fayda – fätüä bulırmı, ul xaqta kiläse atnada söylärbez.
