Accessibility links

Кайнар хәбәр

Qazanğa Rusiä vitse-premyerı Aleksandr Jukov kilde


Respublika Däwlät Şurası räise Färit Möxämmätşin comğa könne Mäskäwdä buldı. Anda ul Rusiäneñ qanun çığaruçılar şurası utırışında qatnaştı. Vladimir Putin citäkçelegendä uzğan älege cıyılışta süz federal’ üzäk häm töbäklär, şulay uq cirle üzidarä oyışmaları arasında wäkälätlärne büleşü turında bardı. Mäskäwdän dä Qazanğa däräcäle qunaqlar kilde. Bu yallarda başqalada Rusiä xökümäteneñ vitse-premyerı Aleksandr Jukov bulaçaq. Äle üze genä dä tügel, ä ğailäse belän. Şulay uq Tatarstannıñ Rusiä Däwlät Dumasında deputatı Oleg Morozov ta üzeneñ yalın Qazanda uzdıraçaq. Aleksandr Jukov şimbä könne xatın-qızlar arasında şaxmat buyınça Rusiä çempionatınıñ yabılu tantanasında qatnaşaçaq. Çönki Jukov Rusiäneñ vitse-premyerı buludan tış, äle şaxmat federatsiäseneñ citäkçese dä. İlneñ iñ köçle şaxmatçıların qotlarğa Mintimer Şäymiev tä kiläçäk.

9 yün könne Qazanda tağın ber zur sport çarası tämamlandı. Ataqlı sportçılar bertuğan Znamenskiylar isemendäge ciñel atletika buyınça xalıqara turnir üz eşen yomğaqladı. Xäyer, tatarstanlılarnıñ bu yarışlar belän oçraşular alda da kötä äle. Çönki, Mintimer Şäymiev Rusiäneñ ciñel atletika federatsiäse citäkçeläre belän oçraşqanda Znameskiylar isemendäge turnirnı yıl sayın Qazanda ğına ütkärergä täqdim itte.

Gölnaz İlgizär

XS
SM
MD
LG