Accessibility links

якшәмбе, 11 декабрь 2016, Казан вакыты 17:00

Aqtanışta Tatarstan häm Başqortstan wäkilläre oçraştı


Tatarstan belän Orenbur ölkäse wäkilläre Qazanda azıq-tölek tarmağında ikeyaqlı xezmättäşlek turında söyläşte häm ber-berse belän towar alışu turında kileşü dä tözede. Ä menä Tatarstan belän Başqortstan wäkilläre ber-berse belän oçraşıp, azıq-tölek turında ğına tügel, ä ähämiätleräk närsälär turında kiñäşläşä. İnde xäbär itüebezçä, ike respublika arasındağı mönäsäbätlärne yaxşırtu buyınça ikeyaqlı komissiä eşläp kilä. Küptän tügel genä älege komissiäneñ çirattağı utırışı uzdı. Bez anıñ eşendä qatnaşqan bilgele ğalim häm deputat İndus Tahirov belän söyläşäbez. Ul Azatlıq radiosı tıñlawçılarına duslıq urnaştıru komissiäläreneñ eşçänlege turında menä närsälär söyläde.

Başqortstan belän Tatarstan arasındağı mönäsäbätlärne yaxşırtu komissiäläre ike yaqtan da bişeşär keşe külämendä eşläp kilä. Bez ike aradağı mönäsäbätlärne yaxşırtu öçen närsälär eşlärgä kiräk digän sorawğa cawap ezlibez, çaralar planı tözibez. Xäzerge köndä bu plannar inde äzerlänep bette diärgä dä bula. Bez şulay uq alarnıñ ütäleşen dä tikşerep toraçaqbız

Bu İndus Tahirov fikerläre ide

Gölnaz İlgizär

XS
SM
MD
LG