Atnakiç irtän Könyaq Osetiäneñ Vanati awılında qulğa alınğan 38 gruzinnıñ 35-e comğa könne kire Gruziägä qaytarıldı, bu xaqta Könyaq Osetiä prezidentınıñ matbuğat wäkile İrina Gagloeva xäbär itte. Ul şulay uq, qalğan 3 gruzin älegä saq astında qala, çönki alar "citdi cinayätlär" qıluda şiklänelä dip tä belderde. Läkin azat itelgännärneñ sanı turında gruzin yağınnan beraz başqa törle mäğlümat kilä. Anıñ Könyaq Osetiädäge "tınıçlıq saqlaw" köçläre başlığı Mixail Kebadze radiobızğa, anda barlığı 36 keşe totqarlanğan ide, häm comğa könne alarnıñ barısı da azat itelde dip äytte.
Audio, Mixail Kebadze
"Totıqlar berniçä minut elek azat itelde, bezgä başta 32 keşedän torğan berençe törkem tapşırıldı, tağın 4-se qalğan ide, läkin 5 minut ta ütmäde, aları da tapşırıldı. Azat itelgännärne eçke eşlär ministrı Okruaşvili kötep tora ide. Gruzin ğäskäriläre aldan kileşengänçä, bernindi şartlarsız cibärelde" dip belderä gruzin wäkile Mixail Kebadze. Könyaq Osetiä köçläreneñ Vanati awılındağı gruzin ğäskärilären totqarlawı, bigräk tä alarnı tezländerep videoğa töşerü häm Rusiä televideniäsennän kürsätü Gruziä citäkçelegendä näfrät xise uyattı. Yartı yıl elek prezident itep saylanğan Mixail Saakaşvili, başqa ber ğisyançı töbäk, Acarstannı kire üzäk gruzin xökümäte kontrolenä alğannan soñ, üz qaraşın xäzer Könyaq Osetiä häm Abxaziägä bordı. Könyaq Osetiä inde 90-nçı yıllar başınnan birle Tbilisi xakimiaten tanımıy yäşi. Kierenkelekneñ artuı uzğan ayda uq sizelä başladı, ul çaqta Tbilisi Könyaq Osetiä belän çigenä östämä ğäskär cibärgän ide. Wäzğiat çärşämbe könne tämam naçaraydı, gruzin yağı Rusiä xärbiläreneñ qoral töyägän berniçä maşinasın tuqtatıp, alarnı üzendä qaldırdı häm Rusiäne Könyaq Osetiä yağın qorallandıruda ğäyepläde. Mixail Saakaşvili comğa könne üzeneñ İran säfären qısqartıp kire Tbilisigä qayttı häm anda Gruziäneñ iminlek köçläre citäkçelege belän kiñäşmä uzdırdı. Soñraq ul telefonnan Rusiä prezidentı Vladimir Putin belän dä söyläşte dip xäbär itelde. Gruziäneñ nizaqlarnı çişü ministrı Georgi Xaindrava soñraq radiobızğa, bügenge azat itü Rusiä yardämendä buldı dip belderde.
Audio, Georgi Xaindrava
"Minemçä, şuşı 36 keşe Mäskäw qatnaşuı säbäple azat itelde" di Gruziäneñ däwlät ministrı, Rusiä wäkilläreneñ Könyaq Osetiädä barğan söyläşülärgä äwzem qatnaşuın iskä alıp. Gruziä premyer-ministrı Zurab Jvaniä elegräk, Könyaq Osetiä köçläreneñ gruzinnar yäşägän awılğa kerep andağı ğäskärilärne totqarlawnı "provokatsiä" dip atağan ide. Tbilisi yağı äytüençä, alar barısı da Gruziäneñ Könyaq Osetiädä urnaştırğan "tınıçlıq saqlaw" köçlärennän bulğan. Könyaq Osetiä citäkçese Kokoityneñ idarä başlığı Eduard Kotayev atnakiç radiobızğa, bu döres tügel, gruzinnar ğomumän Rusiä ğäskärläre cawaplı bulğan ölkädä totqarlandı dip belderde.
Kärim Kamal
Audio, Mixail Kebadze
"Totıqlar berniçä minut elek azat itelde, bezgä başta 32 keşedän torğan berençe törkem tapşırıldı, tağın 4-se qalğan ide, läkin 5 minut ta ütmäde, aları da tapşırıldı. Azat itelgännärne eçke eşlär ministrı Okruaşvili kötep tora ide. Gruzin ğäskäriläre aldan kileşengänçä, bernindi şartlarsız cibärelde" dip belderä gruzin wäkile Mixail Kebadze. Könyaq Osetiä köçläreneñ Vanati awılındağı gruzin ğäskärilären totqarlawı, bigräk tä alarnı tezländerep videoğa töşerü häm Rusiä televideniäsennän kürsätü Gruziä citäkçelegendä näfrät xise uyattı. Yartı yıl elek prezident itep saylanğan Mixail Saakaşvili, başqa ber ğisyançı töbäk, Acarstannı kire üzäk gruzin xökümäte kontrolenä alğannan soñ, üz qaraşın xäzer Könyaq Osetiä häm Abxaziägä bordı. Könyaq Osetiä inde 90-nçı yıllar başınnan birle Tbilisi xakimiaten tanımıy yäşi. Kierenkelekneñ artuı uzğan ayda uq sizelä başladı, ul çaqta Tbilisi Könyaq Osetiä belän çigenä östämä ğäskär cibärgän ide. Wäzğiat çärşämbe könne tämam naçaraydı, gruzin yağı Rusiä xärbiläreneñ qoral töyägän berniçä maşinasın tuqtatıp, alarnı üzendä qaldırdı häm Rusiäne Könyaq Osetiä yağın qorallandıruda ğäyepläde. Mixail Saakaşvili comğa könne üzeneñ İran säfären qısqartıp kire Tbilisigä qayttı häm anda Gruziäneñ iminlek köçläre citäkçelege belän kiñäşmä uzdırdı. Soñraq ul telefonnan Rusiä prezidentı Vladimir Putin belän dä söyläşte dip xäbär itelde. Gruziäneñ nizaqlarnı çişü ministrı Georgi Xaindrava soñraq radiobızğa, bügenge azat itü Rusiä yardämendä buldı dip belderde.
Audio, Georgi Xaindrava
"Minemçä, şuşı 36 keşe Mäskäw qatnaşuı säbäple azat itelde" di Gruziäneñ däwlät ministrı, Rusiä wäkilläreneñ Könyaq Osetiädä barğan söyläşülärgä äwzem qatnaşuın iskä alıp. Gruziä premyer-ministrı Zurab Jvaniä elegräk, Könyaq Osetiä köçläreneñ gruzinnar yäşägän awılğa kerep andağı ğäskärilärne totqarlawnı "provokatsiä" dip atağan ide. Tbilisi yağı äytüençä, alar barısı da Gruziäneñ Könyaq Osetiädä urnaştırğan "tınıçlıq saqlaw" köçlärennän bulğan. Könyaq Osetiä citäkçese Kokoityneñ idarä başlığı Eduard Kotayev atnakiç radiobızğa, bu döres tügel, gruzinnar ğomumän Rusiä ğäskärläre cawaplı bulğan ölkädä totqarlandı dip belderde.
Kärim Kamal