Accessibility links

җомга, 9 декабрь 2016, Казан вакыты 07:06

Şaron Haagadağı Xalıqara Mäxkamäne ğäyepläde


Irzrail'' premyer-ministrı Ariel ŞAron bügen Tel Avivta bulğan şartlaw öçen Fälestinlelärne häm öleşçä Haagadağı xalıqara mäxakmäne ğäyepläde. Şaron bügenge şartlawnı Haagadağı mäxkamäneñ comğa könge qararına bäyli. Mäxkamä Könbatış yarda İzrail'' tarafınnan tözelüçe iminlek diwarı xalıqara qanunnarın boza häm ul sütelergä tieş digän qarar çığarğan ide. Şaron bu höcüm mäxkamäneñ diwarğa qarşı qararı yaqlawı astında eşlände di. Şaronnıñ bügen xökümät utırışında äytkän bu süzläre comğa könge qararğa anıñ berençe märtäbä mönäsäbät kürsätüe buldı 1105

AUDİO: Comğa könne Haagadağı xalıqara mäxkamä terrorğa qarşı köräşkä tağın ber orım yasadı. Ul terror höcümnärenä qomaçawlawçı diwarnı qanunsız dip häm sütelergä tieş dip isäpläwen belderde. Min şunı açıq itep belderergä telim, İzrail'' däwläte Haagadağı xalıqara mäxkamäneñ bu qararın kire qağa, çönki ul ber taraflı häm säyäsi qarar. Ul diwar tözüneñ säbäben – qanlı fälestin terrorçılığın hiç tä isäpkä almıy.

Bügen Şaron diwar tözeleşen däwam itärgä färman birde.

Bügen Bañkokta BMO general'' sekretare Kofi Annan Haaga mäxkamäseneñ älege qararı turında jurnalistlarğa bolay dide:

AUDİO: Mäxkamä qararı açıq. Bez İzrail'' xökümäteneñ üz watandaşların saqlaw öçen cawaplı häm xätta burıçlı buluı belän kileşsäk tä, anıñ härber ğämäle xalıqara qanunnarğa yaraqlı bulırğa häm fälestinlelär mänfäğätlären xörmät itärgä tieş. Häm İzrail'' okkupatsiäläwçe il bularaq fälestin xalqınıñ tormış xäle öçen cawaplı.

Annan şulay uq älege mäxkamä qararın New Yorkta BMO Ğömümi Cıyınına tapşıruın belderde. Anıñ äytüençä İzrail''gä qarşı berär çarar kürü yäki kürmäw turında Ğömümi Cıyın qarar çığaraçaq.

Şaronnıñ xökümät utırışındağı çığışı bügen Tel Avivta aftobus tuqtalışında bomba şartlağannan soñ buldı. Anda kimendä ber xatın qız hälak bulğan. Tel Aviv politsiäse başlığı Yossi Sidbon bomba şartlağan tuqtalış yanında jurnalistlarğa şartlaw öçen kem cawaplı buluın äytergä äle bik irtä dide:

AUDİO: Bomba menä şul urında, aftobus tuqtalışında quyılğan bulğan. Şartlaw näticäsendä kimendä 10 keşe yaralanğan, ber xatın-qız ülgän. Älegä bez ul bombanı monda kem alıp kilgänlegen yäki kem quyğanlığın belmibez. Xäzer bez anı maxsus xezmätlär belän bergäläp tikşeräbez häm beraz soñraq beläçäkbez.

İzrail'' däwlät radiosı xäbär itüençä, bu şartlaw öçen cawaplılıqnı üz östenä Äl-Aqsa brigadası alğan. Ämma älegä bu xäbär bäysez çığanaqlar aşa raslanmadı.
XS
SM
MD
LG