Accessibility links

якшәмбе, 11 декабрь 2016, Казан вакыты 14:54

Kofi Annan Aziä-Tın Okean illären AİDS awıruı sezdäge iqtisadıy häm sotsial tärräqiätkä zur qurqınıç tudıra dip kisätte


BMO general' sekretare Kofi Annan Aziä-Tın Okean illäre citäkçelärenä AİDS yäğni SPİD awıruınıñ taraluı sezneñ illärdä iqtisadıy häm sotsial tärräqiätkä qurqınıç tudıra dide. Tailand başqalası Bañkokta bügen AİDS turında 15-nçe Xalıqara Konferensiä açıldı.

AUDİO: Bu konferensiädä küp kenä illärneñ saqlanu ministrları qatnaşa. Ämma şunısın açıq äytik. AİDSqa qarşı köräştä xökümätneñ barlq bülekläreneñ citäkçeläre qatnaşırğa tieş. Häm iñ yuğarı citäkçelek. AİDS sälamätlek krizisı qısalarınnan küpkä kiñräk mäs'älä. Ul tärräqiätneñ üzenä qurqınıç tudıra.

Annan bu töbäktä AİDSqa qarşı köräştä beraz uñış buluğa qaramastan ul äle haman da qurqınıç tudıra di. Annan tınıçlanu töbäktäge sälamätlek sistemalarına, iqtisadıy häm sotsial tärräqiät öçen zarur bulğan çığanaqlarğa bik zur zıyan kiterä ala dip kisätte.

Bügen dönyada bu awırunı yoqtırğan 38 million keşe bar. Bañkoktağı 6 könlek konferensiädä Aziä-Tın Okean töbägendäge 36 ildän 17 meñläp wäkil qatnaşa.

XS
SM
MD
LG