Accessibility links

дүшәмбе, 5 декабрь 2016, Казан вакыты 17:40

Tatarstanda Rusiä häm xalıqara däräcädäge sport yarışları ütte


Rusiä berençelegenä 54nçe şaxmat yarışları tämamlandı häm Znamenskiylar isemendäge ciñel atletika yarışları ütep kitte. Znamenskiylar memorialı üzeneñ 47 yıllıq tarixında berençe tapqır Qazanda ütkärelde. Ciñel atletikanıñ berniçä töre buyınça ütkärelä torğan bu yarışlarnı «keçe Olimpiada» dip atawçılar da buldı. Älege çara xalıqara däräcädä uzdı. Anda 32 ildän iñ köçle sportçılar qatnaştı. Berençe könne, 8 iyül kiçäsendä Rusiä sportçıları köç sınaşsa, 9nçe iyüldä xalıqara sportçılar yarıştı. Znaminskiylar memorialınıñ berençe könendä sportçılarınnan Natalia Sadova häm İrina Korjanenko Rusiädä häm dönya iñ yaxşı näticä kürsätte. İkençe, xalıqara yarışlar könendä, yaña ğına dönya rekordına ireşkän Gölnara Samitova, ciñä almadı, finişqa 3 nçe genä bulıp kilde.

Tatarstanlılardan başqa sportçılar ciñülärgä ireşä almadı. Znamenskiylar memorial yarışları, kiläse yılda da Qazanda ütkäreläçäk. Ciñel Atletika federatsiäse başlığı Valentin Balaxniçev, älege yarışlar Tatarstanğa ozaqqa kilde häm kiläçäktä xalıqara däräcädä ütkärelep, tabış ta kiter, dip ömet belderde. Tatarstan Prezidentı da Znamenskiylar memorialı yarışlarnıñ açıluı tantanasında çığış yasap, ciñel atletika bäygelelärneñ Qazan ütkärelgänen xupladı.

İkençe könne Qazanğa kilgän Rusiä xökümäte başlığı urınbasarı Aleksanr Jukov, Tatarstannıñ dönya däräcäsendäge yarışlarnı ütkärä aluın rasladı. Şimbä kiçäsendä 54nçe Rusiä çempionatında final uyınnar tämamlandı. Älisä Ğällämova uynağanın zur qızıqsınu belän küzätep barğan qazanalırlar, şimbädän birle, qayğığa batqan. Älisä xanım, Rusiä berençelegeneñ final uyınnarında 5nçe urınnı ğına aldı häm 2004 yılnıñ Olimpiadasında qatnaşa almıy. Çönki Rusiäneñ cıyılma komandası aldağı 4 urınnı alğan şaxmatçı xatın-qızlardan ğına tuplanaçaq. Qazan sportçısı Yelena Zayats da, Älisä Ğällämovanı uza almadı, ul 6nçı urını ğına yawladı. Rusiä berençelegeneñ final öleşendä Asterxan qızı Tatyana Kosintseva ciñde. Ul üzeneñ apası Nadejda Kosintseva, Mäskäw Sportçısı Aleksandra Kostenuk, häm Dondağı Rostovtan kilgän Ykaterina Kovalevskyadan da köçleräk bulıp çıqtı. Yarışnıñ yabılu tantanasında qatnaşqan Tatarstan Prezidentı, xäzerge tormışta intellektual uyınnar berençe planğa çığarğa tieş, dip belderde. Ä Qazan şaxmatçılarnıñ ciñelüen, Mintimer Şäymiev qunaqçılıq bilgese itep, qabul itärgä täqdim itte.

Bikä Timerova.

XS
SM
MD
LG