Accessibility links

шимбә, 10 декабрь 2016, Казан вакыты 08:07

İnguşetiädä cihadqa çaqıru yaqlanmasa da, andıy beldeülär borçılu tudıra, respublikada vazğiätne totrıqsızlandıra.


Üzen "İnguşetiä Majlis Al-Şura"sı dip atağan törkem internetta basılğan belderüendä İnguşetiädä Russiä xökümätenä qarçı cihad iğlan itä. Majlis Al-Şuranıñ kemne väkillek itüe bilgesez. Şulay da bu belderü Çeçnäneñ kürşese İnguşetiädä borçılu tudırdı.

İnguşetiä Mäjlis Al Şurası yäğmi Yuğarı Dävlät Sovetınıñ deklaratsiäse WWW:Kafkazcenter.com säxifäsendä Şimbä könne basılıp çıqtı. Anda İnguşetiä käferlärdän tazartılğançığa qädäre ğarip bulmağan här möselman Russiä ilbasarlarına qarşı köräşergä tieş dielgän. Anda şulay uq ilbasarlar belän xezmttäşlek itkännär ülem belän yanala. İnguşetiä başqalası Nazranda bu belderü borçılu häm şom tudırdı. Radiobız xäbärçese Nazran uramnarında bu çaqırunı yaqlauçını taba almağan. Ber xatın qız bolay digän.

Audio

Ber ir-at isä jihadqa çaqırunı xökem itep bolay digän

Audio

Cihadnı yaqlauçılar tabılmasa da, belgeçlärneñ fikerençä, mondıy çaqırular borçılu tudıra. Suğış häm tınıçlıq buyınça Londonda urnaşqan institutnıñ kafkaz mäsäläläre buyınça belgeçe Thomas De Waal İnguşetiädä bulıp alğan höcümnärdän soñ öç atna ütkäç andıy belderüneñ internetta iğlan itelüe, respublikadağı Mäskäv yaqlı prezident Murat Zyäzikovnıñ kontrolne yuğalta baruın işarä itä dip belderde.

Audio

"Minem fikeremçä, İnguşetiädä bulıp yatqan vaqiğälär, anda Russiä federatsiäsenä turılıqlı cirle xökümätneñ kontrolne yuğalta baruın , köç qullanunıñ häm islamnıñ köçlänä baruın kürsätä."

İnguşetiäneñ baş möftise Mogamed Hacı Albogaçievneñ , xökümätneñ rişvätçelekkä, keşe urlauğa häm eşsezlekkä qarş köräşmävenä protest belderep uzğan atnada vazıyfasınnan kitüe dä xökümätneñ yaqlaunı yuğalta baruın kürsätä. Kremlneñ FSBnıñ elekke generalı Murat Zyäzikovnı İnguşetiä prezidentı itep quyuına ike yl vaqıt ütkändä , andağı vazğiät naçarlana ğına bara. De Waalnıñ fikerençä, Zyäzikov üzennän elekke populär prezident Ruslan Auşevtan ayırmalı bularaq, respublikadağı törle fraksiälär belän urtaq tel taba almağan häm näticädä xakimiät buşlığı xasıyl bulğan , törle fraksiälär üz çiklären sınap qarıylar. İnguşetiädä Çeçnädägenä oxşaş suğış qabınıp kitär dip kötelmäsö dö, qayber küzätüçelär Mäskävneñ qatı qul taktikası tınıçlandıruğa tügel, ä cirle fetnäçelekkä alıp baraçaq dip kisätälär. Çeçnädäge Mäskävyaqlı xökümätä ä mätbuğat häm informatsiä ministere bulğan Ruslan Martagov radiobız xäbärçesenä bolay dide.

Audio

"Millätne telämäsä dä, suğışqa cälep itü taktikası bar. Andıy taktikanıñ tarixı patşa Russiäsenä qädäre barıp totaşa häm ul üzgärmäde. Terrorğa qarşı köräş digän bulıp , cirle xalıqnı ezärlekliseñ, şulay itep xalıqta qarşılıq kürsätü xisen uyatasıñ. Bez mona berençe häm ikençe Çeçnä suğışında tanıq buldıq. Russiä xärbiläreneñ yaxşı planlanğan eşçänlege konfliktnı üsterü maqsäten kz aldında tota häm yäşüsmerlärne suğış suqmağına etärä."

Äyye, İnguşetiädä cihadqa çağırunı yaqlauçılar kürenmäsä dä, mondıy dekalartsiälär borçılu tudıra häm Kreml tarafınan xakimiätkä menderelgän prezident Zyäzikovnıñ respublika belän idarö itü mäsäläsendä sälätsez bulıp çığuı säbäple dä, andağı vazğiätneñ totrıqsızlığın işarä itä.

Färit İdelle, Praga.
XS
SM
MD
LG