Accessibility links

шимбә, 10 декабрь 2016, Казан вакыты 02:27

Üzäk Aziä: uqutu eşlärendä rişwätçelek


Üzäk Aziädä rişwätçelek uqutu sistemasına nıq kerep urnaşqan.Naçar xezmät xaqı tübän standartlarnıñ barlıqqa kitergän qotılğısız bocrada uqutuçılar da, administratorlar da , imtixannı ütü yäki universitetqa kerü öçen rişwät taläp itä.Ämma bu qomsız uqıtuçılarnıñ yardämsez studentlarnı sawğan ğadi xäl tügel.Eşneñ şuña barıp citüenä başqa säbäplär dä bar.

Uqutu sistemasında çäçäk atqan rişwätçelek problemasında uqıtuçı häm mäktäp administratorlarınıñ ğäyeplänüe kötelmägän xäl tügel.Alar studentlarğa bilgelär quya yäki universitetqa qabul itä. Balasınıñ universitetqa kerüe öçen rişwät birergä mäcbür bulğan üzbäk äni xaberçebezgä(audio) balalar üsä bez närsä eşlärgä tieş,belmim. Mäktäpktä yörü bäyägä töşä...Universitetqa keräm disän, imtixan sorawlarınıñ cawapların satalar. Böten ğäyebne rişwätçelekkä birelgän uqutuçılarğa ğına quyu yalğış bulır ide. Bäysezlek alğan Üzäk Aziä respublikları mäğarif uqutu eşlärenä ayırğan aqçanı nıq kimetergä mäcbür buldı. Uqutuçılarnıñ çağıştırmaça tübän xezmät xaqlar tağı da kimede, alar yäşäp qalu öçen rişwät ala başladı. Başqa säbäplär dä bar. Üzbäkstanda uqutuçılar rişwätçelek şul qädär kiñ cäyelgän ki , reformalar öçen ber nindi dä etärgeç yuq , rişwät alıp studentlarnı ütkärü küpkä qulayraq dip söyli. Üzbäk profesorı Azatlıqqa birgän ängämäsendä akademik standartlar kertä başlap, bürokratlarnıñ açuın çığarğançı , aqça alıp tınıç bulu ciñelleräk di (audio) Qayber Universitetlarda näk şulay . Min uqutuçılarnı ğäyepli almim, çönki qayber studentlar däreslärgä yöremi , Universitet alarnı quup çığara almıy, xoquqı yuq.. alar tüläwle uqıylar. Ägär dä uqutuçılar qatıraq akademik standartlar kertergä tırışsa, Mäğarif ministırlığı bezne ğäyepläp, cawapqa tarta ala. dip söyläde üzbäk profesorı. Törkmänstanda isä xökümätneñ uqutu eşlärenä tıqşınıp toruı küñel töşenkelegenä säbäp bula. Uqutu materialları tikşerelä. Uqutuçılar törkmän prezidentınıñ äsäre Ruxnamäne üz programmalarına kertkänme yuqmı qarala. Ber törkmän uqutuçısı süzlärençä(audio) Üzäk Aziäneñ başqa respubliklarınnnan ayrımalı bularaq bezdä uqutuda budjet defitsıtı ğına tügel ä xökümät säyäsäte bar. minemçä bu döres tügel.. Fidakär studentlar ğına korrupsiägä birelgän administratorlarğa rişwät birmi. Studentlar da yış qına sistemanı boza. Öyränergä, äzerlänergä niäte bulmağan yalqau studentlar da yaxşı bilge alu öçen aqça tüli. Ber tadcik qızı (audio) Ber imtixannı birdem 10 somoni ( yaqınça 3 dollar )tüläp. Examinnarnı ütü öçen ğomumän 10-20 somoni tülärgä turı kilä. Min tülädem, äti äni belmi, belsälär käyefläre qırılır dip söyläde. Ämma äle dä tırışu häm ziräklek arqasında uñışqa ireşep bula digän studentlar bar.. Ber törkem üzbäk studentları(audio) här waqıt aqça tülärgä kiräk digän süz yuq.İkençse Min universitetqa tülämi kerdem. Rişwät alğan uqutuçılar bar, ämma hämmäse tügel dip äytte. Uqıtu sistemasına rişwätçelekneñ kerüe tragedi, yaxşılarnı naçarlardan ayıru qıyın ämma ber närsä açıq-monda här kem yuğalta . Professiä dä uqutu sisteması da zarar kürä.Studentlar öyränü şansın yuğalta. Kiläse tapşırularda näticälär turında söylärbez.

färidä xämit,praga
XS
SM
MD
LG