Gruziä prezidentı Saakaşvili Britaniä premyer-ministrı Tony Blair belän söyläşülär öçen Londonğa kitär aldınnan tağın ber märtäbä Gruziä Könyaq Osetiä belän nizağqa kerergä telämi dip äytte. Gruziä İminlek Şurası sekretare Gela Bejuaşvili Mäskäwdä bu turıda söyläşülär ütkärer dip kötelä. Yäkşämbe könne Saakaşvili bu nizağnı çişüdä küp närsäneñ Rusiägä bäyle buluı turında äytte.
AUDİO: Bu Rusiä-Gruziä mäs''äläse. Bez Gruziä-Osetiä mäs''äläsen kütärmäw öçen bik qatı tırıştıq. Ämma barıp çıqmadı. Bu Tbilisi belän Mäskäw arasındağı mäs''älä. Bez Mäskäw belän konstruktiv söyläşügä äzer, ämma ägär dä Dumada yäki başqa urında bezgä basım yasarğa tırışuçı keşelär bulsa, buldıra almıyaçaqlar. Bez qurıqmıybız. Bez Russiä belän barlıq mäs''älälärne çişärgä äzer.
Bülgälängän Gruziäne berläşterü wäğdäse belän Ğinwar ayında prezident saylawlarında ciñep çıqqan Saakaşvili Könyaq Osetiäne Gruziä üzäk xökümätenä buysındıraçağın beldergän ide. Sovetlar Berlege cimerelgännän soñ Könyaq Osetiä Tbilisidan bäysezlekkä ireşü öçen Rusiä yardäme belän 3 yıl buyı qatı köräş alıp bardı. 1992-nçe yılda Könyaq Osetiä de fakto bäysezlegen iğlan itte häm Rusiägä quşılırğa teläwen belderde. Anda üzeneñ tınıçlıq köçlären totuçı Mäskäw Könyaq Osetiä xakimiäten räsmi räweştä tanımıy, ämma Könyaq Osetiä xalqınıñ küpçelege Rusiä pasportlarına iä.
Yäkşämbe könne Rusiä tışqı eşlär ministrı Sergey Lavrov Gruziäne Könyaq Osetiädä qanunsız qorallı törkemnär totuda ğäyepläde häm Yewropada İminlek wä Xezmättäşlek Oyışmasın Tbilisidan Gruziä-Osetin mäs''äläsen kileşü nigezendä çişüne taläp itärgä çaqırdı.
Yäkşämbe könne Rusiä tışqı eşlär ministrlığınıñ maxsus yöklämälär ilçese Lev Mironov Gruziä häm Könyaq Osetiä wäkilläre oçraşıp söyläşü näticäsendä yaña provokatsiälärdän tıyılırğa dip kileştelär dide.
Şimbä könne isä Saakaşvili Gruziä ğäskärläre Könyaq Osetiägä yardäm itüçe çit ildän kilgän köçlärgä qarşı suğışırğa äzer totırğa tieş digän ide.
AUDİO: Ägär alar Gruziägä kilärgä häm qan qoyarğa telilär ikän, kilsennär. Ämma monda alarnıñ qanı ağaçaq. Bez kilüçelärne häm Gruziägä qarşı qoral kütärüçelärne räximsez räweştä qıraçaqbız. Alar monı añlarğa tieş. Doşman ni qädär genä köçle bulmasın, nindi genä qorallarğa iä bulmasın, alar bezneñ cirdä çit il keşeläre häm bez üz respublikabıznı ul agressorlardan saqlıyaçaqbız. Bezneñ çigener yulıbız yuq häm bez ğömer-ğömerdägeçä üz xalqıbıznı saqlıyaçaqbız.
Uzğan atnakiç irtäsendä osetinnar berniçä distä gruzin xärbien totqarlağannan soñ Könyaq Osetiädä wäzğiät ayıruçı qızıp kitte. Saakaşvili xättä bu xällär Gruziä belän Rusiä arasında suğışqa kiterergä mömkin dip kisätte. Soñraq gruzin xärbiläreneñ öçesennän qala barısı da azat itelde. Qayber xäbärlärgä qarağanda, ul 3 xärbi Rusiä tınıçlıq saqçılarına tapşırılğan häm soñraq alar Gruziä yağına qaytarılır dip kötelä.
Naif Aqmal, Praga.
AUDİO: Bu Rusiä-Gruziä mäs''äläse. Bez Gruziä-Osetiä mäs''äläsen kütärmäw öçen bik qatı tırıştıq. Ämma barıp çıqmadı. Bu Tbilisi belän Mäskäw arasındağı mäs''älä. Bez Mäskäw belän konstruktiv söyläşügä äzer, ämma ägär dä Dumada yäki başqa urında bezgä basım yasarğa tırışuçı keşelär bulsa, buldıra almıyaçaqlar. Bez qurıqmıybız. Bez Russiä belän barlıq mäs''älälärne çişärgä äzer.
Bülgälängän Gruziäne berläşterü wäğdäse belän Ğinwar ayında prezident saylawlarında ciñep çıqqan Saakaşvili Könyaq Osetiäne Gruziä üzäk xökümätenä buysındıraçağın beldergän ide. Sovetlar Berlege cimerelgännän soñ Könyaq Osetiä Tbilisidan bäysezlekkä ireşü öçen Rusiä yardäme belän 3 yıl buyı qatı köräş alıp bardı. 1992-nçe yılda Könyaq Osetiä de fakto bäysezlegen iğlan itte häm Rusiägä quşılırğa teläwen belderde. Anda üzeneñ tınıçlıq köçlären totuçı Mäskäw Könyaq Osetiä xakimiäten räsmi räweştä tanımıy, ämma Könyaq Osetiä xalqınıñ küpçelege Rusiä pasportlarına iä.
Yäkşämbe könne Rusiä tışqı eşlär ministrı Sergey Lavrov Gruziäne Könyaq Osetiädä qanunsız qorallı törkemnär totuda ğäyepläde häm Yewropada İminlek wä Xezmättäşlek Oyışmasın Tbilisidan Gruziä-Osetin mäs''äläsen kileşü nigezendä çişüne taläp itärgä çaqırdı.
Yäkşämbe könne Rusiä tışqı eşlär ministrlığınıñ maxsus yöklämälär ilçese Lev Mironov Gruziä häm Könyaq Osetiä wäkilläre oçraşıp söyläşü näticäsendä yaña provokatsiälärdän tıyılırğa dip kileştelär dide.
Şimbä könne isä Saakaşvili Gruziä ğäskärläre Könyaq Osetiägä yardäm itüçe çit ildän kilgän köçlärgä qarşı suğışırğa äzer totırğa tieş digän ide.
AUDİO: Ägär alar Gruziägä kilärgä häm qan qoyarğa telilär ikän, kilsennär. Ämma monda alarnıñ qanı ağaçaq. Bez kilüçelärne häm Gruziägä qarşı qoral kütärüçelärne räximsez räweştä qıraçaqbız. Alar monı añlarğa tieş. Doşman ni qädär genä köçle bulmasın, nindi genä qorallarğa iä bulmasın, alar bezneñ cirdä çit il keşeläre häm bez üz respublikabıznı ul agressorlardan saqlıyaçaqbız. Bezneñ çigener yulıbız yuq häm bez ğömer-ğömerdägeçä üz xalqıbıznı saqlıyaçaqbız.
Uzğan atnakiç irtäsendä osetinnar berniçä distä gruzin xärbien totqarlağannan soñ Könyaq Osetiädä wäzğiät ayıruçı qızıp kitte. Saakaşvili xättä bu xällär Gruziä belän Rusiä arasında suğışqa kiterergä mömkin dip kisätte. Soñraq gruzin xärbiläreneñ öçesennän qala barısı da azat itelde. Qayber xäbärlärgä qarağanda, ul 3 xärbi Rusiä tınıçlıq saqçılarına tapşırılğan häm soñraq alar Gruziä yağına qaytarılır dip kötelä.
Naif Aqmal, Praga.