Accessibility links

шимбә, 3 декабрь 2016, Казан вакыты 03:20

Ğıraq Yevropa Berlegennän kübräk häm turıdan turı yardäm birelsen dip soradı


Ğıraq tışqı eşlär ministırı Hoşyar Zebari düşämbedä Brükseldä Yevropa Berlegendäge kollegaları belän oçraştı.Zebari Berlektän kübräk yardäm soradı .Ul aqçanıñ xalıqara aradaşçı aşa tügel ä turıdan turı Ğıraqqa birelüen soradı.Ministırlar Ğıraqnı tözekländerü eşlärenä qatnaşaçaqların äytsä dä, alar yaña yardäm yäki aqçanı turıdan turı Bagdad xökümätenä birü turında wäğdälär birmäde.

Yevropa Berlegeneñ tışqı eşlär ministırları Ğıraqnıñ küçeş çorı xökümäteneñ Brükselgä kilgän berençe ministırın xuplap qarşı aldı Yevropa Berlegeneñ älege citäkçese Gollandiäneñ tışqı eşlär ministırı Bernard Bot (audio) Yevropa Berlegeneñ barlıq tışqı eşlär ministırları Ğıraq waqıtlı xökümäteneñ nıq yaqlawğa moxtac buluı turında kileşä.İmin, totrıqlı, berdäm, demokratik häm inşalla bay Ğıraq oyıştıru mäqsat bulıp tora dip äytte. Britaniä tışqı eşlär ministırı Jack Straw, Zebari belän oçraşunı maqtap (audio) bik ähämiätle kön ide. Ber niçä yıldan soñ Ğıraqnıñ Yevropa Berlegeneñ könçığış çigen täşkil itäçägen istä totıp aña nindi yardäm birä alaçağıbız turında bik faydalı söyläşülär ütkärdek. dide. J.Straw monda Törkiä belän Berlekke kerü buyınça tizdän söyläşülär başlanaçağına işarä itkän buldı. Straw tağı bolay dide(audio) Zebari Yevropa Berlegeneñ yardäme Dönya Bankı yäki BMO aşa tügel ä turıdan turı Ğıraq xökümätenä birelüen soradı. Ul şulayuq säyäsi protsess bigräk tä saylawlar öçen yaqlaw soradı dip äyte Britaniä tışqı eşlär minsitırı. Berlekneñ küpçelek illäre , AQŞ citäklägän koalitsiägä xisab birgän Ğıraq oyışmalarına turıdan turı yardäm birergä telämägän öçen aqça aradaşçılar aşa birelde. İsmeneñ belenüen telämägän ber diplomat, aqçanı turıdan turı birü älbättä xökümät öçen ciñelleräk bulır ide,ämma eleke sistema dewam itergä tieş digän mäsälädä konsensus bar. Bu sistema aqçanıñ qayda niçek sarıf itelüen kürü mömkinçelegen bezgä birä dip söyläde. Yevropa Berlege 2004 belän 2006nçe yıllar arasında Ğıraqqa 200million yevro birärgä kileşte.Blok ütkän ayda Ğıraq belän mönäsäbätlären täräqi itü öçen urta möddätle strategiä qabul itte. Bu strategiä Ğıraqnıñ waqıtlı saylawlar ütkärüenä bağlı bularaq säwdä elemtäläre häm politik dialognı arttırunı küzdä tota. Hoşyar Zebari Yevropa Berlegeneñ Ğıraqta säyäsi yaqtan üzen kürsätüen , wäkilçelek açuın sorağan. Britaniä tışqı eşlär ministırı Straw da Ğıraq mömkin bulğan qädär yaqın mönäsäbätlär urnaştırunı soradı dip äytep Fransiäneñ düşämbedä Bagdad belän 13yıldan soñ ilçelär belän almaşuın azsızıqladı. Berlek räsmiläre Bagdadta üz ofisların açu öçen iminlek şartları citärle tügel dip äytte.Berlek ministırları waqıtlı xökümätneñ ülem cazasın yañadan köçkä kertü qararın da kütärep çıqtı. AQŞ okupatsiäse waqıtnda bu caza köçtän çığarılğan ide. Gollandiä tışqı eşlär ministırı Bot bezneñ kündermä bik açıq itep äytep(audio) bez ülem cazası turında da söyläştek häm bu Ğıraqta ğämäldän çığarılır digän ömed belderdek, bu mäsälädä dialog däwam itäçäk dide. Berlek bu ğämäl öçen Ğıraqnı cazalandırırğa cıyına digän täsir qalmadı. Zebari ciddi cinayätlär yäki zur terror höcümnäre oyıştıruçılarnı qurqutu öçen ülem cazasın köçkä kertü kiräk dip söyläde. Zebari sişämbedä NATO ilçeläre belän Ğıraq iminlek köçlären künegüdän ütkärü mäsäläsen tikşerä.

färidä xämit,praga
XS
SM
MD
LG