Accessibility links

сишәмбе, 6 декабрь 2016, Казан вакыты 19:12

Fransiä belän Germaniä büdjet defitsitı öçen ştraf tüliäçäk


Bryüsseldäge Europa mähkämäse, Europa berlege illäre finans ministerlarınıñ, Germanínı häm Fransínı búdjet defitsitın arttırğan öçen ştraf tüläwdän azat itü turındağı qararın, kire qaqtı. Mähkämä qararında bolay dip äytelä:

Fransí häm Germaní turındağı Europa berlege ministerlar şurasınıñ 25 nçe nöyäber könne qabul itelgän qararı kire qağıla. Çönki alar Europa berlege belän älegräk kileşengän búdjet defitsitın arttıruğa qarağan protseduralarğa, häm şulay uq älegräk ministerlar şurası üze xuplağan täqdimnärgä qarşı kilä.

Qäğidä beldergänçä, defitsit äçke citeşterü külämennän 3 prosentqa artsa, eurotöbäkkä berekkän 12 däwlätneñ härqaysı ştrafqa tartılırğa tieş. Germaní häm Fransí defitsit belän bulğan wäzğíatne 2005 nçe yılda ğına tözätergä wäğdä itte.

XS
SM
MD
LG