Accessibility links

җомга, 9 декабрь 2016, Казан вакыты 18:35

Mäğärif ministrlığı balalarnı millätlärgä ayırmıy


Mäğärif ministrlığın rasizmda ğäyepläwlär alar tarafınnan Meditsina universitetı belän bergälektä näşer itelgän ber kitapnı Qazannıñ ber xosusıy kanalınnan kürsätüdän başlanıp kitte. Şuşı ığı-zığı tudırğan kitap nindi soñ ul disezme? Bu 2003 yılda uq näşer itelgän metodik äsbap fizik üseş parametrları nigezendä uquçılarnıñ fizik äzerlege standartları dip atala. Läkin ul standartlar dip atalsa da, anda barı tik Qazannıñ Meditsina universitetı bıltır ütkärgän tikşerenülärneñ näticäläre urın alğan. Älege kitapta kiterelgän tikşerenülär turında Mäğärif ministrlığınıñ Matbuğat xezmäte citäkçese Rezeda Korçagina söyli.

Ğalimnär tarafınnan törle millät balaların tikşerü här töbäktä inde XIX ğasır axırlarınnan uq alıp barıla. Älege tikşerenülär, alarnı ütkärüçelär fikerençä, här balanıñ, uquçınıñ üseş kürsätkeçlären bilgelägändä aña individual räweştä qararğa, şulay uq fizik üseştä alarnıñ artta qaluın bilgelärgä mömkinlek birä

Rezeda Korçagina süzlärennän kürengänçä, älege kitapta barı tik fänni tikşerenü näticäläre genä bastırılğan. Ber genä fizkul’tura uqıtuçısı da uquçılarnı – rusmı ul, tatarmı - alar nigezendä bäyäli almıy. Şuña da, Mäğärif ministrlığına yawğan tänqit belän Rezeda Korçagina kileşä almıy. Älege äsbapta uq tikşerüne oyıştıruçılar äytüençä, millät balanıñ fizik üseşen tikşergändä bilgeläwçe faktor bulıp tora almıy. Şuña da, Mäğärif ministrlığı älege standartlarnı uquçılarnıñ millätenä qarap alarğa törle fizik yöklämälär birü öçen kertkän digän süz, döreslekkä turı kilmi. Mondıy ğäyepläwlärne taşlawçı keşelärneñ älege sorawnı häryaqlap öyränep betermägänlege kürenep tora, dip sanıy Tatarstannıñ Mäğärif ministrlığı Matbuğat üzäge citäkçese Rezeda Korçagina.

Gölnaz İlgizär

XS
SM
MD
LG