Pänceşämbe könne Tatarstan yuğarı uqu yortlarına kerü öçen abiturientlardan ğarizalar qabul itü tögällänä. Qabul itü komissiäse räisläre süzlärenä qarağanda, iñ xäyläkärlär ğarizalar birüne soñğı waqıtqa qaldıra ikän. Alar iñ az dokumentlar birelgän, yäğni iñ az konkurs bulğan fakul'tetlarnı saylıylar, çönki anda kerü mömkinlege zurraq. Ä qaysı yuğarı uqu yortı häm fakul'tet buluı möhim tügel dip sanıy ikän alar. Bu ayıruça şähär balalarına xas äyber di.
Ämma Tatarstannıñ yuğarı uqu yortına kerergä tezläwçe çittäge yäş millättäşlärebez arasında da soñğa qalıp kilüçelär bar ikän.
Bilgele bulğança, uzğan yıldan başlap çittäge tatar yäşläre öçen Tatarstan yuğarı uqu yortlarına kerergä kvotalar birelä başladı. Bu eş belän Tatarstan xökümäte häm Bötendönya tatar kongressı Başqarma komitetı şöğellänä. Ağımdağı yılnıñ mart ayınnan Rossiä töbäklärendäge tatar oyışmaları citäkçelärenä xat cibärelgän bulğan. Anıñ nigezendä, iñ sälätle, kiläçäktä üz töbägenä qaytıp milli tormışqa öleşen kertä alırlıq yäşlärne bilgeläp, Tatarstannıñ yuğarı uqu yortına kerü öçen alarnıñ möräcäğätläre cibärelüe soralğan. Bıyıl möräcäğätlär uzğan yıl belän çağıştırğanda kübräk bulğan. Bu xaqta Bötendönya tatar kongressı Başqarma komitetı räise urınbasarı İlsur Hadiullin.
Uzğan yıl barlığı 166 ğarizadan 66 keşe qabul itelsä, bıyıl 230дан artıq ğariza kerde. Alarnıñ kübese gumanitar ölkägä qarıy. Kiläçäktä monı däwlär däräcäsenä kütäräçäkbez bergäläp230 möräcäğät itkän abiturientnıñ 160 Rossiä töbäklärennän, 70 çit illärdän. İñ küp möräcäğät itüçelär Başqortstan respublikasınnan bulğan.
Abiturientlarnıñ kübese, yäğni 109 Qazan däwlät universitetına kerergä teläk beldergän. Ayıruça jurnalistqa häm sotsiologiä fakul'tetına östenlek birgännär – barlığı 22 keşe, 16 ısı tatar filologiäse fakul'tetın saylağan, şulay uq tarix häm yuğarı matematika häm kibernetika fakul'tetına kerergä tezläwçelär dä küp ikän. Ğomumän möräcäğätlär Tatarstannıñ 17 yuğarı uqu yortına kilgän. Ämma yuğarı uqu yortları isä kvotalarnı sanap qına birä ikän. Mäsälän, Qazan däwlät mädäniät häm sänğät universitetına qırıqqa yaqın möräcäğät kilgän, ä kvota 7 keşegä genä, konservatoriägä kerergä 8 keşe teläk beldersä urın beräw genä, Qazan däwlät universitetı 17 keşegä kvota birgän, pedagogiä universitetına kerergä teläk belderüçelär utız tiräse bulsa, kvota sigez keşegä. Ä barlığı böten yuğarı uqu yortlarınnan 86 kvota birelgän. Ämma kongressqa uqırğa kerü möräcäğäte cibärep tä, waqıtı citkäç ğarizaların birmägän yäş millättäşlärebez dä bar ikän. 230 möräcäğät birgän tatar yäşläreneñ niçäse genä çınlıqta dokumentlar tapşırğanın kiläçäktä xäbär itärbez. Tağın şunısın äytergä kiräk, imtixannarnı alar böten abiturientlar belän bergä birmilär. Çittän kilgännär arasında imtixan ayırım uza.
Landış Xarrasova
