Accessibility links

шимбә, 10 декабрь 2016, Казан вакыты 21:25

Äfgan prezidentı xezmättäşlek itmägän suğışçan törkem citäkçelärenä qarata qatı çaralar kürergä cıyına


Äfgan prezidentı H.Qarzainıñ çärşämbedä iğlan itkän färmanında,BMOnıñ qoralsızlanu programmasına qarşılıq kürsätkän suğışçan törkem başlıqlarına qarata qatı çaralar küreläçäk ,qarşılıq kürsätüçelärgä ''başkütärüçe, ğıysyançı '' dip qaralaçaq häm alar qatı cazalanaçaq dip äytelgän.Üktäberdä bulaçaq prezident saylawlarınnan elek ilneñ iminlegenä qurqınıç tudırğan mäsälä turında

H.Qarzai qorallı törkemnärne kontrol itkän komandir, qabilä citäkçeläre turında berençe märtäbä şundıy kisken teldä yazılğan färmängä qul quydı. Qarzai ütkän atnada qısqartılıp DDR dip yöretelgän - xalıqara yaqlanğan qoralsızlandıru, demobilizatsiä häm oyıştıru programmasına qarşılıq kürsätkän suğışçan törkem citäkçelärenä qatı orım yasarğa wäğdä itte. Qarzai süzçese Cavid Ludin äytüenä qarağanda (audio) Färmän DDR programmasına qarşılq kürsätüçe, yäki xezmätäşlek itmäwçelärne şulayuq Äfganstannıñ yustitsiä sistemasına ğädellek östäwne mäqsat itep quya. Xezmätäşlek itmäwçelär, DDRprogrammasına qarşı eşläwçelär mäxkämä aldına çığarılaçaq. Mäqsat bu. Prezident Qarzai atna başında NYT basmasına birgän ängämädä, bu qorallı törkemnär saylawlarğa Taliban rejimı qaldıqlarınnan da zurıraq qurqınıç tudıra dip äytkän ide.Xökümät ütkän atnada parlament saylawları 6 ayğa, aprelgä qädär kiçekterelä, çönki potensial saylawçılar suğışçan törkemnär häm alarnıñ citäkçeläre tarafınnan kisätü, qurqıtılırğa däwam itä dip belderde.Qayber militsiä törkemnäre , ayrım alğanda saqlanu ministırı Möxämmäd Qasım Fäximneñ Jamiat-ı İslami isemle säyäsi törkemenä bağlı militsiä törkeme üzäk xökümät tarafınnan tanıla häm ul saqlanu ministırlığına bäyle. Ämma Ludin , dekret xezmätäşlek itmäwçe komandirlar törkemeneñ räsmi statusın yuqqa çığara dip äytte(audio) Färmändä yazılğança DDR protsesına qarşı aktivlıq alıp barğan häm iminlek problemalarına säbäp buluçı törkemnärgä turılıqlı tügel , ğıysyançılar dip qaralaçaq häm awır cazalarğa duçar iteläçäk dip belderde Ludin Qarzai dekretında Äfganstanda tınıçlıq urnaşuı häm iqtisadnıñ canlanuı öçen töp şart: qorallarnı cıyu , suğışçılarnı saqlanu ministırlığı aşa Äfgan milli armiäsenä quşu dip yazılğan.BMO ximäyäsendäge qoralsızlandıru programması üktäber ayında başlatıldı ämma komandirlarnıñ qoralların tapşıruğa riza bulmauı säbäple körçekkä terälde. Xalıqara Krizis törkeme belgeçe , Äfganstanda alıp barılğan DDR protsesın yaxşı belgän Vikram Parekh bügen Azatlıqqa bolay dip belderde(audio) Nigezdä bu DDr protsesınıñ tabiğıy näticäse, çönki ul sonğı çiktä militsiäne taratu mäqsatın quya. Dekret suğışçlarnı taratu, räsmi statusların beterüne küzdä totsa da, bu äle alar yuqqa çığaçaq digän süz tügel. Bu färmän suğışçıların taratmağan komandirlar şulayuq däwlät tarafınnan ber qayçan da tanılmağan törkem citäkçeläre östennän xökem protsesı ütkärü mömkinçelegen birä. Parekh monda töp mäsälä dekretnı ğämälgä quyu, äfgan yustitsiä sisteması, äfgan xoquq saqlaw xezmätläre , qanun bozğan komandirlarnı qulğa alıp , alarnı cawapqa tarta alaçaqmı dip söyli Qarzai waqıtlı xakimiättä äzğa bulğan qayber komandirlarnıñ yaqlawına moxtaç , şunlıqtan färmän böten ildä ber yk däräcädä köçkä kerteler mikän digän sorau quyıp bula. Parekh qaraşınça , Jamiatı İslami fraksiäsendäge komandirlar militsiäne Äfgan milli armiäsenä quşu protsesında in küp fayda küräçäk. Parekh (audio) älege waqıtta in küp fayada küräçäk keşe, saqlanu ministırı general Faxim –çönki Ul saqlanu ministırı bulıp torğan waqıtta , yäki berektäşlärennän berse saqlanu ministırı itep bilgelänsä – amerikannar tarafınnan künegüdän ütkärelgän Äfgan armiäsen kontrol itäçäk, anda brigada komandirlarınıñ küpçelege üz berektäşläre –Jamiat- islami komandirları bulaçaq dip äytte Krizis Törkeme belgeçe Parekh Qarzai prezident saylawlarınnan elek 100meñ dip farazlanğan suğışçınıñ 60meñen qoralsızlandıraçaq dip wäğdä itkän ide. Älegä yaqınça 10meñ suğışçı ğına qoral taşlağan dip xabär itelä

färidä xämit,praga
XS
SM
MD
LG