Accessibility links

җомга, 9 декабрь 2016, Казан вакыты 06:58

Mäskäwdä Könyaq Osetiä turında söyläşülär awır bara


Mäskäwdä Könyaq Osetiädäge kierenke wäzğiätne caylaw maqsatında 4 yaqlı söyläşülär bara. Gruziä belän Könyaq Osetiä arasında üzara ğäyepläwlärgä qaramastan söyläşüdä qatnaşuçılar beraz tärräqiät buluı turında belderä. Ämma şul uq waqıtta söyläşülärneñ bik awır baruı turında äytelä.

Uzğan atnada Gruziä Rusiäneñ xärbi qärwanın qulğa alıp, Könyaq Osetiä Gruziäneñ berniçä distä xärbien totqarlağannap, häm berniçä keşeneñ yaralanuına kitergän atışlardan soñ Könyaq Osetiädä kierenkeläşep kitkän wäzğiät bu atnada sürelä başladı. Gruziä prezidentı Mixail Saakaşvili mömkinlektän faydalanıp aldan planlaştırılğança Lodnonğa 3 könlek säfärgä kitte. Çärşämbe könne ul Londonda Könyaq Osetiädäge Rusiä tınıçlıq saqlaw köçläre başlığı Svyatoslav Nabzdorovnı cirle xalıqnı Gruziägä qarşı qotırtuda, häm Köyaq Osetiäneñ Russiägä quşıluın açıqtan açıq yaqlap çığışlar yasawda ğäyepläde. Saakaşvili xalıqara cämäğätçelekne Könyaq Osetiä mäs''äläsendä Mäskäwgä basım yasarğa çaqırdı. Saakaşvili Mäskäwdäge qayber köçlärne ğäyepläp, şul uq waqıtta Rusiä prezidentınıñ pragmatizmına ömetlänüe turında äytte.

AUDİO: Min Mäskäwdäge qayber elementlarnıñ agressiv plannarı bar dip uylıym, plannar ğına tügel alar agressiv ğämällär dä qıla. Alar imperiäçel xıyallarınnan, ambitsiälärennän qotıla almawçılar. Xäzer min prezident Putinnıñ pragmatizmına häm aqıllı qaraşına ömetlänäm.

Mäskäwdä çärşämbe könne başlanıp kitkän 4-yaqlı söyläşülärne Gruzin häm Rusiä xäbärçeläreneñ barsı da awır baruçı söyläşülär dip bäyäli. Anda Rusiä, Gruziä, Könyaq Osetiä häm Rusiä töbäge bulğan Tönyaq Osetiä wäkilläre qatnaşa.

Söyläşüdä qatnaşuçı wäkillär qayber mäs''älälärdä tärräqiät buluın belderä. Çärşämbe könne söyläşülärneñ berençe öleşennän soñ Rusiä tışqı eşlär ministrınıñ berençe urınbasarı Valeriy Loççinin jurnalistlar aldında çığış yasadı.

AUDIO

Azatlıq radiosınıñ Mäskäwdäge gruzin xäbärçese Zurab Twali pänceşämbe könne dä söyläşülär bik awır, uzara ğäyepläwlär belderülär belän bara dide. Bügen Könyaq Osetiä törkemen citäkläwçe Boris Çoçyev tağın ber märtäbä Tbilisinı Könyaq Osetiädäge ğäskärlären çiklängän sanda ğına qaldıru turında 2-nçe inün kileşülären bozuda ğäyeplägän. Çoçiev Gruziäö ğäskärlärne çığarası urınğa pänceşämbe könne Könyaq Osetiädäg tağın 800 keşe kiterde dide. Gruziä Könyaq Osetiägä xärbilär cibärü turındağı bu xäbärlärne kire qağa.

Rusiä belän Könyaq Osetiä Gruziädän Könyaq Osetiädä 500 tınıçlıq saqçısın ğına qaldırunı, soñğı atnalarda anda kertelgän eçke eşlär minstrlığı xärbilären çığarunı taläp itä. Gruziä isä Könyaq Osetiägä Rusiädän kergän qorallı keşelärneñ annan çığıp kitüen häm Gruziä belän Könyaq Osetiäne totaştıruçı töp yulnı Tbilisi qaramağına tapşırunı taläp itä.

Pänceşämbe könne Mäskäwdä söyläşülär barğanda Gruziä Könyaq Osetiä öçen Rusiädän kiterelgän humanitar yardämne Tsxinval töbägenä kertü röxsäte birde. Rusiäneñ 9 yök maşinasınnan torğan bu humanitar qärwan 13-nçe iyüldä Ergneti awılı yanında tuqtatılğan ide. İtar-Tass xäbär itüençä, Gruziä prezidentınıñ Şida Kartli töbägendäge wäkile Mixail Tareli Saakaşvili bu yök öçen tamojnya tüläwlären prezident fondınnan alırğa quşqan dip beldergän.

Naif Aqmal, Praga.
XS
SM
MD
LG