Accessibility links

якшәмбе, 11 декабрь 2016, Казан вакыты 17:04

Filipin Ğıraqtağı ğäskärilären çığara


AQŞları häm başqa berektäşläreneñ terroristlarnıñ taläplärenä buysınmasqa digän çaqırularına qaramastan Pilipin xökümäte Ğıraqta totıq itep alınğan watandaşın saqlap qalu öçen comğada üzeneñ humanitar kontingentın ildän çığara başladı.

Filipin tışqı eşlär ministırı Delia Albert televidiniädä yasağan çığışında 10 ğäskär şulsanda 51 keşelek humanitar kontingentnıñ citäkçese general Jovito Palparan, totıq itep alınğan filipin watandaşın ülemdän qotqaru öçen , comğada Ğıraqtan çığıp kitä dip belderde.Albert süzlärençä ( audio) Angelo de la Cruznıñ imin räweştä irekkä çığarıluı öçen tırışlıqlar däwam itä.Angelonı xelel cifäte häm 8 balasına qawıştıru öçen bezneñ belän xezmättäşlek itüçelärgä räxmätlebez. Atnakiçtä terrorçılar cibärgän videoda ,totıq filipin şäfere Angelo de la Cruz tizdän öydä bulaçaqmım dip äytä. Ämma terroristlar Manila barlıq ğäskärilären Ğıraqtan çığarıp betergännän soñ ğına Cruz irekkä çığarılaçaq dip belderde al Cäzirä televidiniäsendä tapşırılğan kündermädä . Filipin totığın qotqaru öçen Süriäneñ yardämen sorağan Filipinnıñ milli iminlek mäsäläsendäge kiñäşçese Norberto Gonzales kiçä Damaskta bolay dide (audio) Bezneñ Ğıraqta toru möddätebez 20nçe augustta tämamlana . Prezidentıbız ber filipinlınıñ ğämeren saqlap qalıp bula ikän , bälkim dä bez annan elegeräk çığıp kitü eşen qararğa tieşbez dip äytte Filipin prezidentı Arroyo totıq aluçılarnıñ taläplärenä buysınu säbäple çittäge basım häm berektäşlärneñ tänqitlärenä reaksiä kürsätmäde. Avstralia premiäre John Howard radio çığışında min dustıbızğa qarata qatı bulırğa telämim ämma bu xata monıñ belän sez üzegezgä iminlek satıp almadığız dip äytep(audio) bu bik yaman qarar, ägär dä terrorçılarğa buysınsan, moñıñ yañadan qabatlanuın tuqtatıp bulmayaaçq ,terrorçılarnı zurıraq terror aktları eşlärgä däğwät itäsez çönki alar uñışqa ireşäçäklären belä dide. Yaponiä dä Manilanı totıq aluçılarğa qarşı nıq torırğa çaqırğan belderü yasadı. Möselman Maleziäneñ tışqı eşlär ministırı Hamid Albar bu suveren ilneñ qararı,minemçä alar xisaplanırğa tieşle eşlärne xisaplağandır dip yomşağraq tonda söyläde. AQŞları Manilanıñ qararına qarata qänäğätsezlek belderde. Aqyort süzçese Scott McClellan Filipin yalğış işarä cibärä, terroristlar belän ayrım tınıçılq kileşüe tözelmiäçäk dip äytte Ämma ul İspaniä , Dominikan Respublikası, Nikaragua häm Hondurasınıñ Ğıraqtan çığıp kitüenä qaramastan koalitsion köçlär nıq bulıp qala birä dide. Xabärlärgä qarağanda bu törkemgä ber il tağı östälä Tailand . McClellan Manilanıñ qararın tänqitläsä dä, ul Waşington belän mönäsbätlärenä täsir itmiäçäk bez bergäläp eşlärgä däwam itäçäkbez dide .Ämma qayber analitiklar qaraşınça çigenü , Manila belän Waşington mönäsäbätlären nıq kiskennöşteräçäk , AQŞnıñ millionnarça dollarlıq yardämen kimetügä kiteräçäk häm xökümätkä ışanıçnı beteräçäk. AB Kapitalnıñ ekonomik analitiğı Jose Vistan Ğıraqnı tözekländerü eşlärenä qatnaşu mömkinçelege xäzer yuqqa çıqtı dip äytte. Prezident Gloria Arroyo terrorğa qarşı suğış häm Ğıraq suğışında AQŞnıñ Aziädäge in yaqın berektäşlärennän berse. Başta ul terrorçılarnıñ taläplären kire qaqqtı. Ämma eçtä totıq dela Cruznı qotqaru öçen basım şul qädär arttı ki, ul fikren üzgärtergä mäcbür buldı. Çittä eşlägän filipin eşçeläreneñ iminlege Arroyo öçen bik näzberek mäsälä. Ul 10nçe mayada 2nçe mäddätkä saylandı. Här 10filipinleneñ berse çit ildä eşli. Çittäge eşçelär bıyıl da illärenä 8milliard dollar aqça cibäräçäk dip kötelä.

färidä xämit,praga
XS
SM
MD
LG