Accessibility links

җомга, 9 декабрь 2016, Казан вакыты 06:48

Tatnet : Tatarstan buylap säyäxätkä internet aşa äzerlänep bula


Cäyge essedä İnternet dönyası da küpmeder däräcädä tınıp qaldı. Forumnarda da tınlıq, säxifälär dä sirägräk yañartıla. Cäyge yalların kompyuter qarşında tügel, ä su buyında, säyäxätlärdä ütkärergä teläüçe millättäşlärebezgä, internet bik faydalı äsbap bulırğa mömkin. Qazan, Tatarstan, izge Bolğar, Bilär cirläre turındağı mäğlümatlarnı turistik şirkätlärneñ häm tuğan yaqnıñ tabiğätenä ğaşiq keşelärneñ saytlarında tabıp bula.

Tatarstannıñ sport häm turizm ministrlığı, üzeneñ internet säxifäsendä

www.tatminmolsport.ru/index.php?cat=tq Tatarstannıñ turizm yağınnan mömkinlelekläre xaqında şaqtıy mäğlümat tuplanğan. Anda qunaqxanälär, qazannıñ tarixi urınnarı turında beleşmälär belän tanışırğa, qayber räsemnärne baqırğa mömkin. Turistik şirkätlär belän elemtägä kerer öçen, şuşında uq elektron adreslar da täqdim itelä. Ministrlıqnıñ internet säxifäsenä tatar.ru kebek räsmi saytlar aşa çığıp bula. Turistik şirkätlär belän yaqınınaraq tanışırğa telisez ikän, e-kazan.ru digän internet säxifäsenä kerä alasız. Anda berniçä distä turistik şirkäteñ isemnären, adresların, internet säxifälären kürä alasız.

Şulay uq, tatat.ru saytınıñ turizm digän bülege dä iğtibarğa layıqlı. Anda Qazan hawa alanındağı oçqıçlarnıñ oçu tärtibe, turist öçen kiräkle mäğlümatlar urnaştırılğan, valuta alıştıru, viza alu tärtibe, tatarstannıñ istälekle urınnarı turında qısqaça mäğlümat häm Qazan qunaqxanäläreneñ telefonnarı da urın alğan. Ä menä tabiğät şartlarında çatırda yäşärgä teläweçlär, köymädä, baydarkada yäki cäyäw yörüçelär öçen dä Tatarstanda şaqtıy mömkinleklär bar. turism.intat.ru adresında mäsälän, sport belän şöğellänüçe turistlar turında külämle mäğlümat tabıp bula. Biredä Mari urmannarına yörüçelär dä, tawlarğa menüçe al’pinistlar, su yulı belän säyäxät itüçelär turında da xäbär tuplarğa mömkin. http://tourism.intat.ru şuşı säxifädä 10nga yaqın turistik klub häm alarnıñ adresları da täqdim itelä. Urmannarda, uçaq yanında utırıp yal itärgä yaratuçılarnıñ bäxetle yözlären dä, şuşı uq säxifädä, fotoräsemnär bülegendä kürenä. Adresın qabatlıym tourism.intat.ru

Yal itü waqıtları äle ozın, şuña Tatnet tapşırularında, turistik säxifälär turında söyläwne däwam ittererbez.

Bikä Timerova, bike@azatliq.org.

XS
SM
MD
LG