Accessibility links

пәнҗешәмбе, 8 декабрь 2016, Казан вакыты 19:22

Tatarstannıñ Balıq Bistäse rayonı Yaña Sala awılı tarqalu xälenä citkän bulsa da, soñğı yıllarda ayakqa basa başladı


SSSR pasportları ğämäldän çığarıldı. Yöräk yanında tärele pasport yörtergä telämäwçelärgä bu zur qıyınlıqlar tudıra. 80гә yaqınlaşıp kilgän Gabdelmäcit ağay barıber pasport almayaçağın belderä. Ä saqlıq bankında pensiä alır öçen qızına doverennost' birgän. Urıs älifbasında tatarnıñ iñ yış qullanıluçı awazlarğa tieşle xäreflär bulmaw säbäple, pasportlarda tatar isem-familiäläre bik nıq bozılıp yazıla. Ä menä Yaña Sala awılında tuıp üskän Nurulla Garipov, forsattan faydalanıp, “ğäriplektän” qotılğan häm familiäsen “Ğarif” dip kenä qaldırğan. Häm “uqımışlı” digän süzne añlatuçı bu familiä anıñ xatını häm balalarına da beryulı birelgän.

Nurulla Ğarif çınlap ta uqımışlı keşe. Qatnaş xalıqlı Daçnıy awılında (Biektaw rayonı) informatika uqıta, anda tatar canın saqlawğa fidaqär xezmät itä, cäylären keçkenä ulı Azamat belän bergä arxeologik qazılmalarda uzdıra, berniçä kitap avtorı, waqıtlı matbuğatta yazmaları yış oçrıy, yazuçılar berlege äğzası, tarix buyınça dissertatsiä yazu belän mäşğul: tizdän ğalimlegen räsmi räweştä raslayaçaq.Nurulla tuğan awılınıñ, xalqıbıznıñ kiläçägenä zur ömetlär bağlıy. Yaña Sala awılına ğaz häm asfal't kilüe awıl xadlqınıñ tormışın tamırdan üzgärtep cibärgän. Berençedän, eçkeçelek bik tä sirägäygän, xalıqta yäşäw därte uyanğan. Moña gaz kertü dä säbäp bulğandır inde. Äytik, elek pensioner äbilär utın kiskän öçen, ğädättä, şul “zäxmät” belän tülägännär. Xäzer isä utın kiräkmi. Ä eşläp alğan aqça ixatañnı tözätergä kitä. İkençedän, şul uq uñaylıqlar arqasında şähärgä omtılış süngän. Annan tış şähär cirendä cinayätçelekneñ kiñäyue dä örketäder inde. Ä biredä – tınıç, härkem ber-bersen belä, kümäkläp, üzara yärdämläşep yäşärgä bula.

Ä iñ möhime: 40 yäşne uzğannar da öçençe bala tabuğa cör'ät itälär. Öylänüçelär dä işäya bara. Mondıy üzgäreşlärneñ töp säbäpçese maltabar Şamil Fäxretdinow ikän. Näq ul, 10лап awılnı üz qaramağına alıp, çın mäğnäsendä yaqtı yul açqan. Anıñ tamırı nıq, imanlı bulğan ikän: babası şuşı yaqlarda mulla bulıp torğan. İñ yaratmağanı – eçkeçelek häm qaraqlıq. Moña yul birmäw – äxlaqnı nığıtuda töp şart bulıp tora. Bik tä kiläçäk buınnıñ äxlağın qayğırta, di Şamil Fäxretdinow. Öç awılda mäçetlär tözetkän. Härbersenä yäş imamnar kitergän. Töp wazifaları – balalarğa islam dinen iñderü. Yaxşı uquçılarğa büläklär birä. Ämma iñ zur büläk – yıl sayın Bilär, Bolğarlarğa säyäxätlär oyıştıru, anda yal itterü. Näq şundıy cegärle häm imanlı yegetlärebezdä inde xalqıbıznıñ ömete. Alar isemlegendä çın millätpärwar Nurulla Ğarif ta soñğılar sanında bulmas.

“Azatlıq” radiosı, Ayrat İbrahim, Sember.

XS
SM
MD
LG