Arafat äle dä Küreyneñ wazífasınnan kitergä teläwen qabul itmi. Comğa könne Ğaza sızığında bulğan urlawlardan soñ premier wazífasınnan kitergä teläk belderde. Urlawçılar şundí yul belän autonomiäneñ iminlek xezmätendäge rişwätçelekkä qarşı protest belderde. Arafat cawap itep, bu xezmätneñ başlığı urnına yaña keşene üz tuğanın quydı. Xäm bu xäl dä köçle rizasızlıq tudırdı. Bügen protest belderep autonomiäneñ xärbi dairälärennän beräw wazífasınnan kitte. Ğaza sızığınıñ Xan Yunıs şäxhärendä ber törkem qorallı fälästinlelär küzläw xezmäteneñ baş fatírına xöcüm itte. Xöcümçelär saq astında bulğannarnıñ barsın da azat itkäç, binanı yandırdı. Hälaq buluçılar turında mäğlümät yuq.
Xöcüm öçen cawaplıqnı “Äl aqsa” briğädäsı üz östenä aldı. Häm alar Fälästin autonomiäse başlığı Yäser Arafatnıñ üz tuğanın iminlek xezmäte başlığı itep quyuına cawap itep äşlände, dip belderde.
Bu ğämällärgä mönäsäbättä İzrailneñ ústisí ministerı Yosıf Lapid bolay dip belderde: “Fälästin premierı Äxmät Kürey Arafat säyäsäte cimeşlären tatí. Arafat rişwätçelekne xuplí. Ul 12 törle iminlek xezmäte tarmaqları buldırdı. Alar ber berse belän uzışmaqta. Arafat İzrail belän säyäsi dialoğnıñ tuqtawı öçen cawaplı. Xäzer isä fälästinlelär şundí başlıqları kürgängä iza çigä”.
Xöcüm öçen cawaplıqnı “Äl aqsa” briğädäsı üz östenä aldı. Häm alar Fälästin autonomiäse başlığı Yäser Arafatnıñ üz tuğanın iminlek xezmäte başlığı itep quyuına cawap itep äşlände, dip belderde.
Bu ğämällärgä mönäsäbättä İzrailneñ ústisí ministerı Yosıf Lapid bolay dip belderde: “Fälästin premierı Äxmät Kürey Arafat säyäsäte cimeşlären tatí. Arafat rişwätçelekne xuplí. Ul 12 törle iminlek xezmäte tarmaqları buldırdı. Alar ber berse belän uzışmaqta. Arafat İzrail belän säyäsi dialoğnıñ tuqtawı öçen cawaplı. Xäzer isä fälästinlelär şundí başlıqları kürgängä iza çigä”.
