Accessibility links

шимбә, 3 декабрь 2016, Казан вакыты 22:39

Tatarstanda Yevropa çempionatı avtouzışları ütte


Ütkän yal könnärendä, Biek taw avtoalanında Yevropa çempionatınıñ 6nçı etabı uzışları ütkärelde. Könnärneñ tüzep bulmaslıq qızulığı, sınawlarnıñ açıq hawada ütkärelüe dä, maşina bäygelären yaratuçılarnı tuqtata almıy. Yevropa çempionnarı abıylı-enele Şäymievlarnıñ, cırçı Salawat, Premyer-ministr Röstäm Miñnexanovnıñ häm başqa ataqlı sportçılarnıñ älege uzışlarda qatnaşuı cämäğätçelekneñ iğtibarın daimi räweştä cälep itep tora. Älege uzışlarnıñ kiñ küläm reklama kampaniäse ütkärelde, avtomotosport federatsiäse wäkilläre çığışlar yasadı. Andıy zur häm sıyfatlı trassanıñ Tatarstanda bulğanğa kürä, çempionatqa çit il sportçıları küpläp kilä. Bu yulı mäsälän, Çexiä sportçıları tulı ber komanda belän qatnaşırğa teläk beldergän, şulay uq, başqa Yevropa illärennän berär-berär uzışçı kilgän. Tatarstan Prezidentı, şaxmat çempionatınnan soñ, Tatarstan sportçılarınıñ ciñelüe, qunaqçılıq bilgese digän ide. Bu yulı da, Tatarstan sportçıları älege şuşı prinsiptan taypılmasqa bulğan. Sınaw xucalarınnan Ayrat Şaymiev 1nçe divizionda 2nçe genä urın ala aldı. İlham Raxmatullin 3nçe kilä, ä Dmitrov şähäre sportçısı İlyä Reznichenko – 1nçe bulıp, ciñep çığa. Sınawnıñ başqa 2 öleşendä, berençe 3 urınnı kübesençä Çexiä sportçıları aldı. Ciñüçelär arasında tağın 1 Niderland keşese dä bar ide, ä Tatarstanlılar – bulmadı.

Premyer Röstäm Miñnexanov uzışnı ömetle genä başlağan bulsa da, soñınnan artqa qalıp, finiş sızığında 7nçe genä buldı. Salawat isä, premyer-ministrnı uza aldı häm sınawnı 5nçe bulıp tämamladı.

Avtouzışlar sport yarışları ğına tügel, ul - yäşäw räweşe, böten köçne ala torğan, uy-fikerlerne şuşı yünäleşkä genä bora torğan köçle mawığu sıman. Avtouzşçılar şulay dip äytä. Tatarstan şartlarında, bu äle şaqtıy däräcäle şöğel dä. Här uyınğa diärlek Tatarstan Prezidentı kilä, anıñ belän aralaşırğa telägän direktorlar, ministrlar, başqa törle citäkçelär dä uzışlarda bulırğa tırışa, oçraşıp söyläşä, problemaların xäl itä.

Yevropa çempionatı däwam itä. Ayrat Şaymiev yal könendä ütkän 6nçe etapta 2nçe genä urın alsa da, bal sanı belän ul, uzışçılar isemlegendä berençelekne saqlap qaldı. Anıñ 77 balı bar, Röstäm Miñnexanov annan az ğına qalışa, anıñ 62 bal häm ul ikençe urında bara. Salawat-9nçı urınnı bili.

Bikä Timerova.

XS
SM
MD
LG