Accessibility links

җомга, 9 декабрь 2016, Казан вакыты 20:38

Başqortstannan Qazanğa küçep kilgän iğänäçe Räşit Gäräev wafat buldı.


TR milli -mädäni Assotsiatsiäseneñ kollektivı “Вечерняя Казань”gäziteneñ 20 iyüldä çıqqan sanında “ Garaev Räşit Säyfulla ulı wafat bulu säbäple anıñ tuğannarınıñ häm yaqınnarınıñ tirän qayğısın urtaqlaşabız” dip yazılğan qısqa ğına qayğınamäse urnaştırılğan. Tatar xalqınıñ mädäniäten, iqtisadın kütärügä zur köç salğan eşquar, (metsenat)-iğänäçe Räşit äfände Gäräyevne bik küplär belä ide. 1993 yılda äle Başqortstanda yäşägän çağında “Planeta”dip atalğan konsernnıñ citäkçese bulıp eşlägän waqıtta Räşit Gäräev, Qazanda uzğan “Altın Urdağa -750 dip atalğan fänni- praktik äncümänne uzdıruda sponsor yärdäme kürsätä. Bötendönya tatar kongresı , Planeta” konsernı, Başqortstandağı Ufa tatar mädäniät märkäze, “Azatlıq” tatar yäşläre berlege oyışmaları bergäläşep Ufa- Qazan- Altın Urda-ğa qädär ullanur Vaxitov isemendäge köymädä oyıştırılğan säyäxätne millättäşlär äle xäterlilärder.90 yıllar başında çit ildän Qazanğa qaytqan millättäşlärne Başqortstanğa yörtep qaytıp, Ufağa alıp barıp qabul itep, annan alarnı ozatıp quyğan millätpärwär şäxes tä ul Räşit äfände Gäräev. Soñğı yıllarda Başqortstanda alıp barılğan säyäsätneñ tä'sire Räşit Gäräyevne dä urap uzmadı. Tatar keşeseneñ iqtisadnı, kapitalnı milli säyäsät belän bäyläp baruı, Başqortstan xaqimiäten qurquğa saldı. Häm Räşit Gäräyevneñ iqtisat eşçänlege zur basımnarğa , ezärlekläwlärgä duçar buldı. Ul “Planeta” konsernı belän başta Bögelmägä annan Qazanğa küçep kilergä mäcbür buldı. Qazanğa küçep kilgäç tä,ul zur tözeleş proyektlar östendä eşläde. Başqortstandağı cırçılarnıñ: mäsälän, Aydar Galimovnıñ, Färidä häm Robert Timerbayıvlarnıñ , häm şulay uq çığışı belän Başqortstannan bulıp, bügenge köndä Qazanda yäşägän Xämdünä Timerğalievanıñ konsertların Qazanda oyıştırırğa yärdäm itkän şäxes tä Räşit äfände Gäräev ide. Ä Qazanda 50-60 qa citkän yäşeñdä tormışnı yañadan başlawı niçek awır buluı härkemgä mäğlüm.Şulay bulsa da, ul soñğı könnärenä qädär eştä bula.Anıñ tormış iptäşe Lyudmila Vin'yamin qızı äytüençä, ul diabetnıñ yäşeren forması belän awırğan ikän.Xäle bik awırayğaç 18 xastaxanägä alıp barğannar da bit, ämma inde soñ bulğan. Soñğı waqıtta Räşit äfände “Dönya” dip atalğan firma citäkçese bulıp eşlägän. “Tattransgaz” oyışması belän bergä “Severnıy” bistäsendä urnaşqan “Sosnovaya roşça” şifaxanäsen yañadan torğızu buyınça küp eşlär başqarğan. Ämma ... tämamlarğa citeşä almağan.Tuğannarı anı Başqortstanğa alıp qaytıp Ufa şähäreneñ şäreq zıyaratına cirlägännär.Mälikä Basıyr, Qazan.

XS
SM
MD
LG