Accessibility links

якшәмбе, 11 декабрь 2016, Казан вакыты 16:55

Tatar bal qortları tatar balın cıya


Cäy könnäre awıl xucalığı xezmätkärläre öçen iñ awır häm qatlawlı eş waqıtlarınıñ berse bulıp sanala. Şuşı esse, qızu yül könnärendä qış buyına citärlek terlek azığı da äzerläp qalırğa da, inde borın östendä torğan urıp-cıyuğa da keşelärne, texnikanı, yağulıqnı xästärläp ölgerergä dä kiräk. Respublikada awıl xalqı menä şul eşlär belän mäşğül xäzer. Awıl xucalığı ministrlığı mäğlümätlärenä qarağanda, Tatarstanda inde 850 meñ tonna terlek azığı äzerlängän. 450 meñ gektar utırtılğan cir isä qortqıçlarğa qarşı eşkärtelgän. Şul uq waqıtta texnikanı urıp-cıyu eşlärenä äzerläw dä bara. Yañğırlar yawa başlağançı äzer uñışnı yuğaltularsız cıyıp alu öçen respublikada bıyıl 6200 kombayn häm maşina cıyıştırılıp quyılğan. Äytergä kiräk, bu san bıltırğıdan azraq. Şulay itep, Tatarstannıñ awıl xalqı alda torğan zur eşlärgä äzerlänä.

Ä menä respublikanıñ umartaçıları isä bu könnärdä üzläreneñ Rusiädäge kollegaları belän kiñäşläşä, täcribä urtaqlaşa. 21-22 yül könnärendä Qazanda Rusiädä umartaçılıq eşe xaläte häm kiläçäktä üseş mömkinlekläre dip isemlängän bötenrusiä kiñäşmäse uza. Älege seminarnıñ Tatarstanda uzuı ğäcäp tügel, çönki respublikada umartaçılıq tarmağı şaqtıy alğa kitkän. Barlığı bezdä 155 meñ umarta ğailäse xisaplana ikän, här ğailägä urtaça 11 kg bal alınğan, dip xäbär itä İntertat elektron gäcite. Şunısı da qızıq, respublikada balnı küpçelektä urtarus toqımınıñ tatar näsele bal qortları taba ikän. Älege näselneñ yaxşılığın häm alar tapqan tatar balınıñ tämlelegen istä totıp, Tatarstanda alarnı ürçetü buyınça maxsus umartalıq oyıştıru turında da süz bardı Qazanda uza torğan umartaçılar cıyılışında.

Gölnaz İlgizär

XS
SM
MD
LG